davidgabunia – Circe https://circeplatform.com Experimental Platform for Dance and Theatre Fri, 16 May 2025 10:07:31 +0000 ka-GE hourly 1 https://circeplatform.com/wp-content/uploads/2020/12/cropped-Screenshot-2020-12-02-at-5.56.38-PM-32x32.png davidgabunia – Circe https://circeplatform.com 32 32 iCoDaCo 2024-2027 Participants https://circeplatform.com/ka/icodaco-2024-2027-participants-2/ Wed, 17 Jul 2024 09:57:05 +0000 https://circeplatform.com/?p=5740

“ექსპერიმენტული ცეკვისა და თეატრის პლატფორმა – კირკე”, როგორც ევროპული თანამშრომლობის პროექტის, iCoDaCo-ს (International Contemporary Dance Collective 2024-2027) პარტნიორი, მოხარულია გაცნობოთ, რომ 8 არტისტი უკვე შერჩეულია iCoDaCo 2024-2027 კოლექტივის ფარგლებში.

პროექტი თანამედროვე ცეკვის შემსრულებლებს აერთიანებს ევროპის 12 ქვეყნიდან, რათა ჩამოაყალიბონ ცხრა კოლექტივი. კოლექტივები ერთად მუშაობენ ახალი ცოდნის, მეთოდოლოგიისა და პრაქტიკის შესამუშავებლად. iCoDaCo 2024-2027 არის დიდი ევროპული თანამშრომლობის პროექტი, რომელიც თანადაფინანსებულია ევროკავშირის მიერ. პროექტის კოორდინატორია შვედური ორგანიზაცია ilDance. პროექტი 2012 წლიდან მიმდინარეობს სხვადასხვა გეოგრაფიულ არეალში, განსხვავებული პარტნიორებითა და ფოკუსებით.

2024-2027 წლების გამოცემა ფოკუსირებულია ალტერნატიული და ინოვაციური სტრატეგიებისა და მეთოდოლოგიების შემუშავებასა და განხორციელებაზე თანამედროვე ცეკვის გავრცელების მიზნით. პროექტის მიზანია გააუმჯობესოს ლანდშაფტი და შესაძლებლობები თანამედროვე ცეკვის შემსრულებლებისთვის, პროდიუსერებისთვის, წარმომადგენლებისთვის, ჯგუფებისა და აუდიტორიისთვის ევროპასა და მის ფარგლებს გარეთ.

სარეზიდენციო პროგრამის მონაწილეები არიან:

  • მაკა კილაძე
  • ანა გუბელაძე
  • ნატალია კუკულაძე
  • ანანო ჩიხლაძე
  • ერეკლე ჟღენტი
  • მეგი გელაშვილი
  • ჯონათან რასელი
  • ნინო ხოსიტაშვილი
]]> iCoDaCo 2024-2027: მოცეკვავეებისა და ქორეოგრაფების მიღება საქართველოდან https://circeplatform.com/ka/icodaco-2024-2027/ Tue, 21 May 2024 13:11:44 +0000 https://circeplatform.com/?p=5497

კირკე – ექსპერიმენტული ცეკვისა და თეატრის პლატფორმა აცხადებს მოცეკვავეებისა და ქორეოგრაფების მიღებას შემოქმედებითი ევროპის საერთაშორისო პროექტში, 

iCoDaCo 2024-2027.

 

განაცხადების მიღება 21 მაისს იწყება და 14 ივნისს დასრულდება. 17 ივნისს შერჩეულ კანდიდატებთან ზუმის საშუალებით შედგება ონლაინ შეხვედრა. 20 ივნისს გამოცხადდება შერჩეული კანდიდატების საბოლოო სია.

 

პროექტის ფარგლებში შეირჩევა სულ 8 მოცეკვავე/ქორეოგრაფი, რომელიც 4 წლის განმავლობაში ჩაერთვება, საერთაშორისო სარეზიდენციო პროგრამაში, რომლის მიზანია კვალიფიკაციის ამაღლება და  საერთაშორისო თანამშრომლობის წახალისება.

 

iCoDaCo 2024-2027 შესახებ

iCoDaCo 2024-2027 ევროპული თანამშრომლობის დიდი პროექტია, რომელიც ევროკავშირის დაფინანსებით შეიქმნა. პროექტის კოორდინატორი შვედური ორგანიზაცია ilDance-ია. პროექტი 2012 წლიდან მიმდინარეობს სხვადასხვა ადგილზე, სხვადასხვა პარტნიორებითა და თემატური ფოკუსებით. 

პროექტი თანამედროვე ცეკვის შემსრულებლებს აერთიანებს ევროპის 12 ქვეყნიდან, რათა ჩამოაყალიბონ ცხრა კოლექტივი. კოლექტივები ერთად მუშაობენ ახალი ცოდნის, მეთოდოლოგიისა და პრაქტიკის შესამუშავებლად.

iCoDaCo 2024-2027-ის ფარგლებში, ცხრა ეროვნული კოლექტივი შვედეთიდან, დანიიდან, ნიდერლანდებიდან, ესპანეთიდან, პორტუგალიიდან, ჩეხეთიდან, ლატვიიდან, უნგრეთიდან და საქართველოდან მჭიდროდ ითანამშრომლებს ერთმანეთთან. ჩაერთვება თანამშრომლობით პროექტებში, გაცვლასა და საერთო პრაქტიკის გაზიარების პროცესში ციფრული პლატფორმების დახმარებით მთელი პროექტის განმავლობაში.

პროექტის მიზანია გააძლიეროს, განავითაროს და უზრუნველყოს მდგრადობა, ხელმისაწვდომობა და ინოვაცია თანამედროვე ცეკვის სფეროში. ამასთან, საკუთარი წვლილი შეიტანოს ცეკვის შესახებ არსებული ცოდნის გაძლიერებაში  მოცემულ სექტორსა და საზოგადოების სხვა ჯგუფებში.

 

iCoDaCo 2024-2027 შეიმუშავებს მსოფლიოში პირველ ღია წვდომის ციფრულ პლატფორმას, რომელიც განკუთვნილია თანამედროვე ცეკვის პრაქტიკისთვის. პროექტში მონაწილე ყველა არტისტი მოცემულ პლატფორმაში საკუთარ წვლილს შეიტანს როგორც ინდივიდუალურ, ისე კოლექტიურ დონეზე; პროექტის  მიზანია გლობალურად გააძლიეროს ცოდნის გაზიარება, თანამშრომლობა და ხელმისაწვდომობა თანამედროვე ცეკვის შესახებ.

 

კირკეს – ცეკვისა და თეატრის ექსპერიმენტული პლატფორმის შესახებ

კირკე – ექსპერიმენტული ცეკვისა და თეატრის პლატფორმაა, რომელიც   თანამედროვე ცეკვას, თეატრსა და მუსიკას აერთიანებს.

პლატფორმა ემსახურება საქართველოში თანამედროვე ექსპერიმენტული ცეკვისა და პერფორმანსის სცენის განვითარებას. კირკე – ექსპერიმენტული ცეკვისა და თეატრის პლატფორმა მასპინძლობს საერთაშორისო თანამედროვე პერფორმანსების ღონისძიებებსა და აწყობს ვორქშოფებს ქართული აუდიტორიისთვის. პლატფორმა აძლიერებს სფეროს და ეხმარება საერთაშორისო თანამშრომლობაში.

კირკეს მიზნებია: სოციალურად აქტიური შემოქმედებითი სივრცის შექმნა, რათა ხელი შეუწყოს ახალი დისკურსიების განვითარებასა და ზოგადად, ვიზუალურ ხელოვნებაზე, კინოზე, თეატრზე, თანამედროვე ცეკვაზე წარმოდგენის გაფართოებას საჯარო ლექციების მეშვეობით. 

 

არტისტი როლი iCoDaCo 2024-2027-ში

iCoDaCo 2024-2027 პროგრამაში მონაწილე არისტებისთვის

ცოდნის წარმოების პროცესში – მრავალმხრივი რეზიდენტურის პროგრამა (2024 ნოემბერი – 2026 თებერვალი).

არტისტები მონაწილეობას მიიღებენ ვრცელ რეზიდენტურ პროგრამაში, რომელიც თემატურად არის შემუშავებული ინოვაციების გასაღვივებლად და სიღმისეული კვლევის გასაადვილებლად. რაც მოიცავს როგორც მოკლე, ისე ხანგრძლივი რეზიდენციების სერიას, რომელიც ხელს უწყობს შემოქმედებითი კვლევისა და გაცვლის სივრცის განვითარებას. რეზიდენციების დროს არტისტები ითანამშრომლებენ სხვა საერთაშორისო კოლექტივებთან (სხვა გეოგრაფიულ ადგილებში). არტისტებს მოეთხოვებათ უკუკავშირი თითოეული თემის შესახებ თითოეული რეზიდენციის ბოლოს, რაც მოგვიანებით გაზიარდება ახლად შემუშავებულ iCoDaCo ღია წვდომის ციფრულ პლატფორმაზე.

საერთო ჯამში მოცემულია რეზიდენციის, ცოდნის წარმოების (კვლევითი) 15 კვირა, რომელიც იყოფა 8 რეზიდენციად (ერთი 1 ერთკვირიანი და 7 ორკვირიანი).

9-ვე კოლექტივი ერთდროულად ერთვება რეზიდენციაში, თითოეული საკუთარ ქვეყანაში. ყოველ კვირას განისაზღვრება თემა, რომელსაც ყოველი კოლექტივი მიმართავს. პერიოდულად კოლექტივი მიიღებს სტიმულს, რათა დაეხმაროთ რეზიდებციაში მყოფებს კვლევის პროცესში. სტიმული არ კარნახობს კოლექტივებს კონკრეტულ მიდგომას, მეთოდოლოგიას ან პროცესს, რომელსაც   მიმართავენ, მეთოდოლოგიას და პროცესს შეიმუშავებს თვითონ კოლექტივი. თითოეულ კოლექტივს შესაძლებლობა აქვს შეიმუშაოს განსხვავებული მიდგომა. ერთსულოვნება და ერთგვაროვნება საჭირო არ არის.

ყოველ კვირას რეზიდენციაში,  შუა კვირაში იქნება სხვა  კოლექტივების არტისტებთან კომუნიკაციის შესაძლებლობა. აქ არტისტებს შეეძლებათ წინ წამოწიონ აზრები/იდეები სხვა კოლექტივებთან და მთლიან კოლექტივთან, სურვილის არსებობის შემთხვევაში. რაც მოხდება არტისტების ნებიდან/მოთხოვნიდან გამომდინარე და არა  პროექტის სტრუქტურაში არსებული ვალდებულების მიზეზით.

თითოეულ არტისტს (ყველა კოლექტივიდან) მოეთხოვება საკუთარი წვლილი/ასახვა/დასკვნა წარმოადგინოს პროექტის სტრუქტურაში შემოთავაზებული 15 კვარტლიდან. ინდივიდუალური წვლილის ფორმატს/მედიას თავად ინდივიდი აირჩევს (ტექსტი, ვიდეო, ესკიზი, აუდიო ფაილი, ფოტო, მიმი და ა.შ.).

ერთობლივი შექმნის პროცესი (2027 წლის გაზაფხული)

პროექტი ითვალისწინებს 6-კვირიან თანამშრომლობითი შექმნის პროცესს, რომელიც დაფუძნებულია ცოდნასა და პრაქტიკაზე. 

პროექტის ცოდნის წარმოების ფაზის შემდეგ, თითოეულ კოლექტივს მოეთხოვება შექნას ახალი ნამუშევარი. ახალ ნამუშევარს შეიმუშავებენ iCoDaCo-ს „ადგილობრივ“ კოლექტივებში და მთელს კოლექტივში. მოცემული ნამუშევარი შეიქმნება 6 კვირის განმავლობაში, ცოდნის წარმოების 15 კვირიანი პროცესის შემდეგ და წარმოდგენილი იქნება როგორც მინიფესტივალის ნაწილი.

საზოგადოების ჩართვა (პროექტის განმავლობაში)

iCoDaCo-ში ჩვენ  ცეკვის გარშემო ერთმანეთთან ვაკავშირებთ  საზოგადოების სხვადასხვა წევრებს, მათ შორის მოყვარულებს, სტუდენტებსა და მარგინალიზებული ჯგუფების წევრებს, მთელი რიგი აქტივობებით, როგორიცაა სემინარები, კლასები და საუბრები. საზოგადოების რომელ წევრებს რა გზით, როგორ და როდის დაუკავშირდებიან ჩართული არტისტები გადაწყდება არტისტებთან შეთანხმების საფუძველზე.

არტისტები ასევე ჩაერთვებიან საზოგადოებასთან ურთიერთობის ნაწილში, საჯარო ღონისძიებებში და პრაქტიკის გაზიარების პროცესში ლოკალურ/ეროვნულ დონეზე (ვორქშოფები, კლასები, არტისტული საუბრები, სემინარები, Satellite creation და ა.შ.).

*პროფესიული განვითარება (პროექტის განმავლობაში)

მიიღებთ წვდომას სემინარების, კონფერენციებისა და ვორქშოფების სერიაზე, რომელიც მიზნად ისახავს პროფესიული ზრდისა და ევროპის მასშტაბით შესაძლებლობების გაფართოებას.

გექნებათ ინდივიდუალური მენტორობის შესაძლებლობა და რჩევების მიღების სესიები ექსპერტებთან, თითოეული არტისტის საჭიროებებსა და ზრახვებზე დაყრდნობით.

მინი-ფესტივალ(ებ)ში მონაწილეობა (2 კვირა გაზაფხული-ზაფხული 2027)

წვლილის შეტანასა და მონაწილეობას შეძლებთ მინი-ფესტივალ(ებ)ის პროგრამებში, რომელიც მოიცავს პერფორმანსებს, ვორქშოპებს, არტისტების საუბრებსა და ლექციების დემონსტრირებას iCoDaCo ღია წვდომის ციფრული პლატფორმის თანამედროვე ცეკვის პრაქტიკისთვის. მინი-ფესტივალის პროგრამა მოიცავს ჰიბრიდულ ინდივიდუალურ და ციფრულ აქტივობებს, რომლებსაც უძღვებიან iCoDaCo კოლექტივების წევრები და თანამშრომლები.

iCoDaCo 2024-2027-ის ყველა კოლექტივი წარადგენს თავის ახალ კოლექტიურ ნამუშევარს მინი-ფესტივალ(ებ)ის პროგრამაში, რომელიც ჩატარდება სხვადასხვა გეოგრაფიულ ადგილას ერთდროულად. პროგრამა ინტერაქტიულობის შესაძლებლობას შექმნის ციფრული, ვირტუალური და ჰიბრიდული მედიის საშუალებით, რათა  არტისტებმა და ჯგუფებმა შეძლონ კომუნიკაცია.

წვლილი კოლექტიური ცოდნის წარმოებაში (პროექტის განმავლობაში)

მონაწილეებს მოუწევთ შემოქმედებითი პროცესისა და მოგზაურობის დოკუმენტირება და გაზიარება iCoDaCo 2024-2027-ში iCoDaCo ღია წვდომის ციფრულ პლატფორმაზე და ამით მონაწილეობა ცოდნისა და შემოქმედებითი კვლევის კოლექტიურ პროცესში.

არტისტებს უნდა ჰქონდეთ სურვილი გაუმკლავდნენ ციფრულ ფორმატებს, გაეცნონ მათ, იმუშაონ და გამოიყენონ ისინი მთელი პროექტის განმავლობაში. უნდა ჰქონდეთ სურვილი სათანადოდ უპასუხონ გარკვეულ ციფრულ და ანალოგურ ფორმატებსა და საშუალებებს, ზოგჯერ კი თარგმნონ საკუთარი პრაქტიკის ასპექტები ციფრულ ფორმებად და დაადასტურონ, თუ როგორ ვითარდება მათი პრაქტიკა მთელი პროექტის განმავლობაში.

აქტიურობა მედიისა და კომუნიკაციის ნაწილში (პროექტის განმავლობაში)

არტისტებს მოეთხოვებათ მონაწილეობა მიიღონ მარკეტინგის, კომუნიკაციისა და PR აქტივობებში, რაც გაზრდის iCoDaCo-ს ხილვადობას როგორც ადგილობრივ, ასევე საერთაშორისო დონეზე. აქტივობები ხილვადობის გაზრდის შესაძლებლობას მისცემთ თვითონ არტისტებსაც, როგორც პროექტის ელჩებს, ცნობილი საცეკვაო ღონისძიებებისა და პლატფორმების მასშტაბით.

ზოგადი ვადები:

პროექტი დაიწყო 2024 წლის იანვარში და დასრულდება 2027 წლის სექტემბერში, ძირითადი აქტივობები შემდეგნაირად განხორციელდება:

2024 წლის ნოემბერი – 2026 წლის თებერვალი: ცოდნის წარმოების პროცესი

პროექტის რეზიდენტებისთვის უკვე დადასტურებული თარიღებია:

25.11.- 01.12 2024 წ

03.03 – 16.03 2025 წ

21.04 – 04.05 2025 წ

02.06 – 15.06 2025 წ

15.09 – 28.09 2025 წ

20.10 – 02.11 2025 წ

19.01 – 01.02.2026 წ

16-29.03 2026 წ

2027 წლის გაზაფხული: კოლექტიური შექმნის პროცესი.

გაზაფხული – ზაფხული 2027: iCoDaCo მინი-ფესტივალები.

პროექტის განმავლობაში და ზემოხსენებულ პერიოდებს შორის, არტისტები ჩაერთვებიან საზოგადოებასთან ურთიერთობის პროგრამაში, პროფესიული განვითარებისა და სწავლის აქტივობებსა და iCoDaCo ღია წვდომის ციფრულ პლატფორმაში საკუთარი წვლილის შეტანის თვითმართულ პროცესში.

მონაწილეები მოცემულ სარეზიდენციო პერიოდებში ჩაერთვებიან შეთანხმებული დროის ფარგლებში და არა სრული განაკვეთით. კონკრეტულ სამუშაო დროზე მოლაპარაკება და შეთანხმება არტისტებისა და პროექტის პარტნიორების კომუნიკაციაზეა დამოკიდებული.

 

რას ვითხოვთ / მოთხოვნები:

 

ასაკობრივი ზღვარი 18 წლიდან (განაცხადის მომენტში), სხვა ასაკობრივი შეზღუდვა არ არსებობს. მოცეკვავეს/ქორეოგრაფს უნდა ჰქონდეს საკუთარი  პრაქტიკისა და ცეკვისადმი თანამედროვე მიდგომა. რაც არ გულისხმობს კონკრეტული ჟანრის  ესთეტიკისთვის უპირატესობის მინიჭებას, თუმცა მნიშვნელივანია დინამიური ურთიერთობა ჰქონდეს ამჟამინდელ მოცემულობასთან. კრიტიკული ლინზის შემოტანა ცეკვის  მხატვრულ, სოციალურ, პოლიტიკურ და კულტურულ კონტექსტში. ეს ნიშნავს, რომ მოცეკვავებმა/ქორეოგრაფებმა შეიძლება განავითარონ თავიანთი თანამედროვე პრაქტიკა ურბანული ცეკვის, ფოლკლორული ცეკვის, ტრადიციული ცეკვის, კლასიკური, თანამედროვე ან პოსტმოდერნული ცეკვის, ცირკის, პერფორმანსის ხელოვნების ან ნებისმიერი სხვა მიმართულებით.

მონაწილე დაფუძნებული უნდა იყოს საქართველოში, რაც ნიშნავს, რომ მათი პროფესიული საქმიანობის უმეტეს ნაწილს და დროის უმეტეს ნაწილს უნდა ატარებდნენ საქართველოში ცხოვრებაში. აუცილებელია, ხელმისაწვდომი იყვნენ პროექტში ჩართვისთვის მთელი აღნიშნული დროის მანძილზე (2024-2027). აპლიკანტს უნდა ჰქონდეს ინტერესი და სურვილი, ვიმუშაოთ კოლექტიურად სხვა არტისტებთან. საჭიროა ღია აზროვნება და ცნობისმოყვარეობა, რათა შევქმნათ ნამდვილად კოლექტიური და თანამშრომლობითი პროცესი.

აპლიკანტს მოეთხოვება ინტერესი იმუშაოს თანამედროვე ცეკვის პრაქტიკის განსავითარებლად ადგილობრივ, ეროვნულ და საერთაშორისო კონტექსტში. მნიშვნელოვანია ცეკვისა და მისი შექმნის გამოცდილება, ასევე კვლევითი გამოცდილება. განმცხადებლებს მოეთხოვებათ ჰქონდეთ ცეკვის  მნიშვნელოვანი პროფესიული გამოცდილება, რათა ხელი შეუწყონ პროექტში მონაწილე სხვა არტისტებთან ურთიერთსაწინააღმდეგო და დინამიურ გაცვლას. მონაწილეიბის მსურველი  დაინტერესებული უნდა იყოს საკუთარი ფიზიკური სხეულის (შემსრულებელი სხეულის) მონაწილეობით ნამუშევარში. 

მნიშვნელოვანია დაინტერესებული იყვნენ ადამიანებთან და საზოგადოებების სხვადასხვა ჯგუფთან აქტიური ურთიერთობით  მთელი პროცესის განმავლობაში სემინარების, არტისტული საუბრების, პრეზენტაციებისა და საკომუნიკაციო ღონისძიებების დახმარებით. 

პროექტში მონაწილეობისკენ მოვუწოდებთ განსხვავებული და მრავალფეროვანი შესაძლებლობების, წარმომავლობის, იდენტობისა და სტატუსის მქონე მოცეკვავრებსა და ქორეოგრაფებს მზადყოფნისთვის, რათა ჩაერთონ მრავალფეროვან ფორმატებში (ტექსტი, ვიდეო, ესკიზები, აუდიო ფაილები და ა.შ.) და საკუთარი კონტენტით  შეიტანონ წვლილი iCoDaCo ღია წვდომის ციფრულ პლატფორმაში. iCoDaCo-ში ძირითადი სამუშაო ენაა ქართული და ინგლისური, აპლიკანტებს მოუწევთ კომფორტულად გამოიყენონ  ქართული და ინგლისური  სამუშაო გარემოში.

 

პირობები და ჰონორარი: 

მოცეკვავეებთან/ქორეოგრაფებთან მუშაობის პერიოდები: ცოდნის გამომუშავებისა და კვლევის 15 კვირა, 6 კვირიანი კოლექტიური შექმნის პროცესი, 2 კვირიანი მინი ფესტივალი, 2-6 კვირა დამატებითი საზოგადოებასთან ურთიერთობის, კომუნიკაციის, კონტენტის შექმნა და ა.შ. სამუშაო კვირები დაიწყება 2024 წლის ნოემბრიდან 2027 წლის ივნისამდე. საქართველოში დაფუძნებული კოლექტივის მოცეკვავეებისა და ქორეოგრაფების ანაზღაურება არის კვირაში 280 ლარი.

პროცესი:

იმისათვის, რომ გახდეთ iCoDaCo 2024-2027 საქართველოში დაფუძნებული კოლექტივის რვა მოცეკვავიდან ერთ-ერთი, გთხოვთ შეავსოთ აპლიკაციის ფორმა  ქართულ ან ინგლისურ ენებზე, სადაც მოგეთხოვებათ შემდეგი:

ბიოგრაფია / CV

აღწერეთ მნიშვნელოვანი მომენტები თქვენს პროფესიულ და სასწავლო გამოცდილებაში.

გთხოვთ, მიუთითოთ მომენტები და/ან გამოცდილება, რომელმაც, თქვენი აზრით, გავლენა მოახდინა თქვენს ამჟამინდელ შემოქმედებით პრაქტიკაზე. 

სამოტივაციო წერილი, რომელიც ხსნის თქვენს ინტერესს iCoDaCo-ს მიმართ. გთხოვთ, მიუთითოთ, რატომ აგზავნით ამ განაცხადს და რატომ ფიქრობთ, რომ სწორი მომენტია თქვენი  შემოქმედებითი პრაქტიკისთვის, შეუერთდეთ კოლექტიური კვლევისა და შექმნის პროცესს 

თანამედროვე ცეკვა. 

რა თვალსაზრისით არის თქვენი პრაქტიკა თანამედროვე? რა თვალსაზრისით არ არის  თანამედროვე? როგორია თქვენი პრაქტიკა ცეკვაში?  

როგორი ურთიერთობა გაქვთ საქართველოსთან? სად იმყოფებით ახლა? სად მუშაობთ ძირითადად? ერთ ადგილზე ხართ დაფუძნებული? ბევრს მოგზაურობთ? გაქვთ ხშირი შეხება სხვა გეოგრაფიულ ადგილებთან ან ქვეყნებთან? 

ახლო და უახლოესი მომავალი. რითი ხართ ამჟამად დაკავებული? რა თემები დომინირებს თქვენს პრაქტიკასა ან ყოველდღიურობაში? რა მიზნები გაქვთ მომდევნო 1-2 წლის განმავლობაში? 

ვადა

განაცხადები უნდა წარადგინოთ 2024 წლის 21 მაისიდან 2024 წლის 14 ივნისამდე (საქართველოს დროით  00:00 საათამდე (შუაღამე) შემდეგ ბმულზე. მონაწილეებს შევარჩევთ 2024 წლის ივნისის ბოლოსათვის. სელექციის  ეტაპი მოიცავს შერჩეული კანდიდატების გასაუბრებას კირკე ექსპერიმენტული ცეკვისა და თეატრის პლატფორმის დირექტორ მაკა კილაძესთან და    და iCoDaCo-ს პროექტის მენეჯერ ნინი შველიძესთან. ჩვენი მიზანია დავასრულოთ  პროცესი  2024 წლის ივლისის დასაწყისისთვის.

 

კითხვების არსებობის შემთხვევაში დაგვიკავშირდით:

circeplatform@gmail.com

დამატებითი ინფორმაციისთვის ეწვიეთ: 

www.icodaco.com

]]> Katarzyna Chmielewska და Radek Duda-ს ვორქშოფი https://circeplatform.com/ka/katarzyna-chmielewska-%e1%83%93%e1%83%90-radek-duda-%e1%83%a1-%e1%83%95%e1%83%9d%e1%83%a0%e1%83%a5%e1%83%a8%e1%83%9d%e1%83%a4%e1%83%98/ Wed, 18 Jul 2018 07:09:21 +0000 https://circeplatform.com/?p=1486

კირკე - ცეკვის და თეატრის ექსპერიმენტული პლატფორმა წარმოგიდგენთ:

Katarzyna Chmielewska და Radek Duda-ს ვორქშოფი

ტექნიკისა და იმპროვიზაციის ვორქშოფის დროს ჩვენ გამოვიკვლევთ სხეულის წონისა და მასის როლს, და შევისწავლით მის პირდაპირ გავლენას ცეკვის ხარისხსა და დინამიკაზე, ამისთვის ჩვენ გამოვიყენებთ “განთავისუფლების” ტექნიკას და ასევე პარტნიორთან მუშაობას იმპროვიზაციით. ვორკშოფის მიზანია სხეულში მოძრავი ენერგიის უფრო გააზრებულად გამოყენება.

ვორკშოფი იქნება ცოცხალი მუსიკის თანხლებით რომელსაც შეასრულებს რადეკ დუდა; ცოცხალი მუსიკისა და ვარჯიშის კომბინაცია ხელს შეუწყობს რომ მონაწილეებმა უფრო მეტად შეიგრძნონ სხეული ცეკვის დროს. ის ტექნიკები რომელსაც მე ვიყენებ ვორქშოფის დროს არის რეზულტატი ბოლო 25 წლის მანძილზე მუშაობისას დადაში დაგროვებული გამოცდილებებისა და ასევე იმ ინსპირაციული შეხვედრების, რომელიც მე მქონია სხვადასხვა ქორეოგრაფებთან , მოცეკვავეებთან და თეატრის დირექტორებთან” Katarzyna Chmielewska

თარიღი: 30 ივნისი
დრო: 11:00 – 14:00
ადგილი: კლუბი KHIDI

]]> ტოტალი- პოლონეთის დღეები https://circeplatform.com/ka/27-%e1%83%a1%e1%83%94%e1%83%a5%e1%83%a2%e1%83%94%e1%83%9b%e1%83%91%e1%83%94%e1%83%a0%e1%83%98-%e1%83%9e%e1%83%9d%e1%83%9a%e1%83%9d%e1%83%9c%e1%83%94%e1%83%97%e1%83%98%e1%83%a1-%e1%83%93%e1%83%a6/ Sat, 14 Jul 2018 17:51:16 +0000 https://circeplatform.com/?p=1418
კირკე - ცეკვის და თეატრის ექსპერიმენტული პლატფორმა წარმოგიდგენთ:

პოლონეთის დღეები: ტოტალი

Paweł Sakowicz

ცეკვის ვირტუოზობის სპეკულაცია არის ერთგვარი რეფლექსია, რომელიც შეიძლება დამყარებული იყოს გამოცდილებაზე, თუმცა არ არის სავალდებულო ეს იყოს ემპირიულად დადასტურებული. ესეთი სპეკულაციის მიზანია პროგნოზირებადი ეკონომიკური, პოლიტიკური და მეტა ჰუმანური ცვლილებების დახმარებით ჩარჩოში მოაქციოს ცეკვის ვირტუოზობის იდეალური სურათი. ამ სპეკულაციის სახასიათო ელემენტი არის რისკის გაწევა – სურვილის პოლიტიკის რადიკალური სცენარის შემქნისას.

Paweł Sakowicz არის მოცეკვავე და ქორეოგრაფი. მას დამთავრებული აქვს ვარშავის უნივერსიტეტი პოლიტიკური მეცნიერებების განხრით და ასევე ფლობს ლონდონის თანამედროვე ცეკვის სკოლის MA ხარისხს საშემსრულებლო და ქორეოგრაფიული კუთხით. მისი უახლესი დადგმებია: „Bernhard”, „TOTAL” და „Jumpcore”. მას უთამაშრომლია სხვადასხვა ქორეოგრაფებთან, ვიზუალური ხელოვნების წარმომადგენლებთან და უმუშავია როგორც ქორეოგრაფს სხვადასხვა თეატრში. საპატიო აღნიშვნა მიიღო 22nd National Competition for the Polish Contemporary Play Staging, სტიპენდიით დაჯილდოვდა კულტურისა და ნაციონალური მემკვიდრეობის სამინისტროსგან, ასევე მიღებული აქვს ნომიაცია 2016 “Polityka” Passports “თეატრის” კატეგორაიში.

 

პროექტი ორგანიზებული და დაფინანსებულია ადამ მიცკევიჩის ინსტიტუტის მიერ, რომელიც მოქმედებს Culture.pl სახელით საერთაშორისო კულტურული პროგრამის POLSKA 100 ფარგლებში, რომელიც პოლონეთის დამოუკიდებლობის მოპოვების საუკუნის თანმხლებია.

დაფინანსებულია პოლონეთის კულტურისა და ნაციონალური მემკვიდრეობის სამინისტროს მიერ, როგორც მრავალწლიანი პროგრამის NIEPODLEGŁA 2017-2021 ნაწილი.

Credits:

Choreography, text and performance: Paweł Sakowicz
Artistic coaching: Dalija Aćin Thelander
Technical realization and lights: Łukasz Kędzierski
Production: Art Stations Foundation by Grażyna Kulczyk (developed as part of the Solo Projekt Plus 2015 residency programme by the Art Stations Foundation)

Photo/Video: Saba Rama

თარიღი: 27 სექტემბერი
დრო: 22:00
მისამართი: კლუბი KHIDI

ბილეთების ყიდვა

]]> პოლონეთის დღეები: “Witajcie / Welcome” https://circeplatform.com/ka/%e1%83%9e%e1%83%9d%e1%83%9a%e1%83%9d%e1%83%9c%e1%83%94%e1%83%97%e1%83%98%e1%83%a1-%e1%83%93%e1%83%a6%e1%83%94%e1%83%94%e1%83%91%e1%83%98-witajcie-welcome-%e1%83%90%e1%83%a3%e1%83%a0%e1%83%9d/ Sat, 14 Jul 2018 15:18:21 +0000 https://circeplatform.com/?p=1294
კირკე - ცეკვის და თეატრის ექსპერიმენტული პლატფორმა წარმოგიდგენთ:

Witajcie / Welcome

“ჩემი ინტერესის სფეროა ადამიანი, რომელსაც არ უნდა რომ მიიღოს ომისგან, კონფლიქტისგან, ჩაგვრისგან, შიმშილისა და სიკვდილისგან გამოქცეული ხალხი. მაინტერესებს კონფლიქტის, საფრთხისა და ტანჯვის გარემოებები”

პერფორმანსის ერთ-ერთი ელემენტია პერფორმანსის “Z wodą” დოკუმენტაცია, რომელიც 2015 წლის ოქტომბერში სოპოტში ჩატარდა დევნილთა სოლიდარობის დღესთან დაკავშირებით. ეს იყო ხელოვანის გამოხმაურება ზღვაში გარდაცვლილი ემიგრანტების საკითხზე, როგორც კადრების ტრანსფორმაცია პოლონურ, ხელშესახებ რეალობად.

 

პროექტი ორგანიზებული და დაფინანსებულია ადამ მიცკევიჩის ინსტიტუტის მიერ, რომელიც მოქმედებს Culture.pl სახელით საერთაშორისო კულტურული პროგრამის POLSKA 100 ფარგლებში, რომელიც პოლონეთის დამოუკიდებლობის მოპოვების საუკუნის თანმხლებია.

დაფინანსებულია პოლონეთის კულტურისა და ნაციონალური მემკვიდრეობის სამინისტროს მიერ, როგორც მრავალწლიანი პროგრამის NIEPODLEGŁA 2017-2021 ნაწილი.

Choreography, video, set design, sound: Aurora Lubos
music: Alex Catona

თარიღი: 27 სექტემბერი
დრო: 20:00
ადგილი: კლუბი ხიდი

ფოტო/ვიდეო: საბა რამა

ბილეთების შეძენა

]]> “ბატაი და ახალი დღეების აისი” – პოლონეთის დღეები https://circeplatform.com/ka/%e1%83%91%e1%83%90%e1%83%a2%e1%83%90%e1%83%98-%e1%83%93%e1%83%90-%e1%83%90%e1%83%ae%e1%83%90%e1%83%9a%e1%83%98-%e1%83%93%e1%83%a6%e1%83%94%e1%83%94%e1%83%91%e1%83%98%e1%83%a1-%e1%83%90%e1%83%98/ Thu, 07 Jun 2018 15:27:43 +0000 https://circeplatform.com/?p=1101
კირკე - ცეკვის და თეატრის ექსპერიმენტული პლატფორმა წარმოგიდგენთ:

ბატაი და ახალი დღეების აისი

შეიძლება მოგზაურობა შეუძლებელისკენ ნამდვილად მოხდეს?

ექვსი მოცეკვავე ჟორჟ ბატაის მწვავე სამყაროში, ფრანგი მწერლის, ფილოსოფოსისა და თანამედროვე კულტურის კრიტიკოსის, რომელიც იმ მოაზროვნეების მცირეთაგანი იყო, რომელებმაც შეძლეს უკომპრომისო და უპირობო კითხვები დაესვათ  ადამიანურ ეგზისტენციალიზმზე.

ფილოსოფოსს მივყავართ იმ ადგილისკენ სადაც “ყველა მღელვარე ემოცია შერწყმულია ერთში”. მისი პარადოქსული ფილოსოფია უხმო ჟესტით მიუთითებს ცეკვისკენ. როდესაც ვცეკვავთ, ჩვენ აღმოვაჩენთ შიშს და მისი სიღმით გაჯერებულ ახალ სივრცეებს. როდესაც ვცეკვავთ, სიცარიელეში ვხტებით და სიცილს ვპოულობთ. როდესაც ვცეკვავთ, ეროტიზმის ბნელ გამოცანაში ვიძირებით, სანამ „სადღესასწაულო, მეფეებისა და ღმერთების სამყაროს“ არ წავაწყდებით. ცეკვა სუვერენული გამოცდა ხდება ბატაის უნიკალურად დრამატული ხასიათის ფიქრებისა და კითხვის, როგორც ფიზიკური, ასევე აბსტრაქტული გამოხატვით: შეგვიძლია ისევ ცოცხლები გავხდეთ?

პროექტი დაფუძნებულია ჟორჟ ბატაის შემდეგ ნაწარმოებებზე: Inner Experience, The Tears of Eros, The Accursed Share and Erotism. ეს გახდა საფუძველი მულტიდირექციული კვლევისა, სადაც ოცნებებსა და ქვეცნობიერზე მუშაობის განსაკუთრებული მეთოდია გამოყენებული, რომელიც 2005 წელს შეიქმნა პროექტის Taniec śniącego ciała (მეოცნებე სხეულის ცეკვა) ფარგლებში. ეს მეთოდი შემოქმედებითი სინთეზია კარლ გუსტავ იუნგის ანალიტიკური ფილოსოფიისაა და არნოლდ მინდელის პროცესზე ორიენტირებული ფსიქოლოგიის, ასევე ქორეოგრაფების იმპროვიზაციის და მედიტაციის ტექნიკებისა, რომელიც წლების განმავლობაში ჩამოყალიბდა კვლევებზე დაყრდნობით.

 

პროექტი ორგანიზებული და დაფინანსებულია ადამ მიცკევიჩის ინსტიტუტის მიერ, რომელიც მოქმედებს Culture.pl სახელით საერთაშორისო კულტურული პროგრამის POLSKA 100 ფარგლებში, რომელიც პოლონეთის დამოუკიდებლობის მოპოვების საუკუნის თანმხლებია.

დაფინანსებულია პოლონეთის კულტურისა და ნაციონალური მემკვიდრეობის სამინისტროს მიერ, როგორც მრავალწლიანი პროგრამის NIEPODLEGŁA 2017-2021 ნაწილი.

Credits:

Script and Direction: Sławomir Krawczyński
Choreography: Anna Godowska
Dancers: Aleksandra Bożek-Muszyńska, Natalia Dinges, Paweł Grala, Bartosz Ostrowski, Łukasz Przytarski, Zofia Tomczyk

Music: collage & remix
Photos: Aleksandra Osowicz
Graphic design: Michał Łuczak

Technical realization: Łukasz Kędzierski

Photo/Video: Saba Rama

თარიღი: 26 სეტემბერი
დრო: 20:00
მისამართი: შოთა რუსთაველის თეატრისა და კინოს უნივერსიტეტი
შოთა რუსთაველის 19

ბილეთების ყიდვა

]]> რატომ არ მოგწონს სევდა? https://circeplatform.com/ka/%e1%83%a0%e1%83%90%e1%83%a2%e1%83%9d%e1%83%9b-%e1%83%90%e1%83%a0-%e1%83%9b%e1%83%9d%e1%83%92%e1%83%ac%e1%83%9d%e1%83%9c%e1%83%a1-%e1%83%a1%e1%83%94%e1%83%95%e1%83%93%e1%83%90/ Tue, 24 Apr 2018 09:59:13 +0000 https://circeplatform.com/?p=428
კირკე - ცეკვის და თეატრის ექსპერიმენტული პლატფორმა წარმოგიდგენთ:

რატომ არ მოგწონს სევდა?

Katarzyna Chmielewska / Teatr Dada von Bzdülöw, Teatr Wybrzeże in Gdańsk

ეს შეიძლება იყოს შეუჩნეველი მოგზაურობა ემოციური მდგომარეობის ლაბირინთი და მოგზაურობა – როგორც ოთახებში გადანაცვლება. თითოეული ოთახი სხვადასხვა ჩრდილებით არის სავსე, დროდადრო, როგორც კი რომელიმე ოთახში აღმოვჩნდებით, ვხვდებით, თუ როგორ საშინელ სევდას ვგრძნობთ. ეს სევდა, თითქოს მთლიანად გვფარავს და სულაც არ გვინდა მისგან თავის დაღწევა. მელანქოლია ისე გვანელებს, რომ საშუალება გვაქვს გარშემო ყველაფერს ყურადღებით მოვავლოთ თვალი, თუმცა, ამავდროულად, გარკვეული

დისტანციის შენარჩუნებას ვცდილობთ, რათა ახალი ენერგიით სხვა კარების გაღება შევძლოთ.

Credits:

Concept & performed by – Katarzyna Chmielewska
Artistic cooperation – Anna Steller
Live music – Radek Duda
Lighting design – Michał Kołodziej
Graphic design – Maciej Salamon
Produced by: Stowarzyszenie Teatr Dada von Bzdülöw, Teatr Wybrzeże in Gdańsk Supported by Gdansk City Council

თარიღი: 29 ივნისი
დრო: 20:00

მისამართი: შოთა რუსთაველის კინოსა და თეატრის უნივერსიტეტი
19, შოთა რუსთაველის გამზირი

შეიძინეთ ბილეთები აქ

]]> Christina Ciupke and Ayse Orhon-ის ვორქშოფი https://circeplatform.com/ka/christina-ciupke-and-ayse-orhon-%e1%83%98%e1%83%a1-%e1%83%95%e1%83%9d%e1%83%a0%e1%83%a5%e1%83%a8%e1%83%9d%e1%83%a4%e1%83%a1/ Tue, 24 Apr 2018 09:31:15 +0000 https://circeplatform.com/?p=410
კირკე - ცეკვის და თეატრის ექსპერიმენტული პლატფორმა წარმოგიდგენთ:

Christina Ciupke and Ayse Orhon-ის ვორქშოფს

ვორქშოფი განკუთვნილია მათთვის, ვინც დაინტერესებულია მოძრაობებითა და კინესთეტიური ცნობიერების ამაღლებით. ქრისტინა ციუპკე და აიშე ორონი ვორქშოფში წარმოაჩენენ ყველა იმ პრაქტიკისა და კომპოზიციის პრინციპებს, რომლებიც პერფორმანსის “ახლოს” შექმნის პროცესში ჩამოყალიბდა.

კონკრეტული მოძრაობების საშუალებით ვორქშოფი ფიზიკური სიახლოვისა და დისტანციის ინტენსიობას უღრმავდება.

ბიოგრაფია

ქრისტინა ციუპკე – პერფორმერი და ქორეოგრაფი ბერლინში მოღვაწეობს. მისი პროექტები ცეკვასა და ხელოვნების სხვადასხვა მიმართულებებს აერთიანებს, სადაც მთავარ თემებად მოიაზრება დისტანცია, სიახლოვე, ინტიმური ურთიერთობები, დროის შეგრძნება- და სადაც საზოგადოებისა და პერფორმერების მუდმივი კონტაქტი იგრძნობა.

მას მრავალწლიანი თანამშრომლობა აკავშირებს ქორეოგრაფთან Nik Haffner, Mart Kangro, რეჟისორთან Lucy Cash, ვიზუალურ არტისტთან Lars Ø Ramberg, კომპოზიტორებთან: Boris Hauf და dramaturge Igor Dobričić. 2003 წლიდან 2004 წლამდე ქრისტინა იყო მოწვეული არტისტი კარლსრუეს ხელოვნებისა და მედიის ცენტრში (Centre for Art and Media Karlsruhe (ZKM). 2013 წელს ამსტერდამის ხელოვნების სკოლის მაგისტრის ხარისხი მოიპოვა ქორეოგრაფიის მიმართულებით. მან Hoffnungsträgerin -ის ჯილდო მოიპოვა Tanz Yearbook 2014 -ის ფარგლებში. 2016 წლიდან ის Tanzfabrik Berlin-ში გაერთიანებული არტისტების გუნდის წევრი.

აიშე ორონი – როგორც პერფორმერი 2001 წლიდან მოღვაწეობს. მას უმუშავია Aydın Teker და Emmanuelle Huynh, ასევე ვიდეო არტისტთან Gülsün Orhon. აიშეს დამთავრებული აქვს Artez (HKA) 2001 წელს და Master of Choreography program in Amsterdam (AHK) 2013 წელს. აიშეს შემოქმედება, თავისი შესრულებით წარდგენილი იყო სხვადსხვა ევროპულ ფესტივალებზე, როგორებიცაა: Can You Repeat? (2007), hava (2009), ÇOK (2010), folk (2011).

1997 წლიდან იგი, ასევე, მოძრაობის თერაპიის განხრითაც მუშაობს. ის იყო მოწვეული ლექტორი CNDC Angers და two Dance Departments სტამბულში 2002 წლიდან.

თარიღი: 31 მაისი
დრო: 10:00 – 13:00
ადგილი: შოთა რუსთაველის თეატრისა და კინოს უნივერსიტეტი

]]> Luke Baio & Dominik Grünbühel-ის ვორქშოფი https://circeplatform.com/ka/luke-baio-dominik-grunbuhel-%e1%83%98%e1%83%a1-%e1%83%95%e1%83%9d%e1%83%a0%e1%83%a5%e1%83%a8%e1%83%9d%e1%83%a4%e1%83%98/ Wed, 18 Apr 2018 13:01:53 +0000 https://circeplatform.com/?p=323
კირკე - ცეკვის და თეატრის ექსპერიმენტული პლატფორმა წარმოგიდგენთ:

Luke Baio & Dominik Grünbühel-ის ვორქშოფს

ვორქშოფი მოიცავს სხეულის მანიპულირების შესწავლას ვიდეო ტექნიკის მეშვეობით.

Luke Baio – დაამთავრა Northern School of Contemporary Dance და ლონდონის თანამედროვე ცეკვის სკოლა. 2001-2006 წლებში იყო Richard Alston Dance Company-ს წევრი. 2007 წელს გადავიდა ვენაში, Dominik Grünbühel-თან სამუშაოდ. 2007 წლიდან არის Liquid Loft/Chris Harring-ის წევრი. Luke Baio-ს სცენოგრაფიას იყენებენ Alexander Gottfarb, Radek Hewelt, Bankett, Charlotta Ruth & Clélia Colonna.

Dominik Grünbühel ეუფლებოდა თანამედროვე ცეკვებს ვენასა და ლონდონის თანამედროვე ცეკვის სკოლაში – The Place. 2016 წელს ასევე დაამთავრა ციფრული ხელოვნების ფაკულტეტი. ბოლო წლებში დაკავებულია ქორეოგრაფიითა და ვიდეო პროექციების ფროდაქშენით. Dominik Grünbühel-ს ნამუშევარი აქვს შემდეგ დასებთან: Charlotta Ruth, Michael Bruckner, Bankett, Konic Thtr (Barcelona) and Rupert Huber, Judith Unterpertinger & Katherina Weinhuber.

თარიღი: 13 მაისი
დრო: 17:00
ხანგრძლივობა: 3 საათი
ადგილი: კლუბი KHIDI

]]> ახლოს https://circeplatform.com/ka/%e1%83%90%e1%83%ae%e1%83%9a%e1%83%9d%e1%83%a1/ Tue, 17 Apr 2018 19:20:10 +0000 https://circeplatform.com/?p=269
კირკე - ცეკვის და თეატრის ექსპერიმენტული პლატფორმა წარმოგიდგენთ:

ახლოს

ქრისტინა ციუპკე, აიშე ორონი

როდესაც მიახლოვდები, ყველა ჩემი შეგრძნება შენი ფიზიკური სიახლოვის ინტენსივობით ივსება. როდესაც უკან იხევ, ჩვენი შეხვედრის გავლენა რჩება. როდესაც ჩვენ შორის მანძილი იზრდება, ჩემი ცნობიერება ხედვიდან წარმოსახვაზე გადადის. ყურადღება ყოფს სივრცეს ჩვენ შორის.

ქრისტინა ციუპკე და აიშე ორონი საერთო პერფორმანსის შესაქმნელად გაერთიანდნენ. ეს პერფორმანსი kannst du mich umdrehen-დან იღებს სათავეს, რომელზეც ქრისტინა ციუპკემ და ნიკ ჰაფნერმა იმუშავეს 2011 წელს.

ორი ქორეოგრაფი ფიზიკური შეხვედრის სწორედ ამ წარსულს უღრმავდება. მაშინ როდესაც მოძრაობები მცირდება, სიახლოვესა და მანძილს შორის თამაშის ინტენსიობა იზრდება. ციუპკე და ორონი უცნაური სიზუსტით გადმოსცემენ ტემპს, უთანხმოებას, მასას და უმოძრაობას, სადაც ურთიერთობის ინტიმურობა სიჩუმის გამრღვევი ხმით შემთხვევით გაწყდება ხოლმე.

Credits:

Performance: Christina Ciupke and Ayşe Orhon
Artistic Advice: Nik Haffner

Outside Eye: Felix Marchand
Light design: Martin Beeretz

Sound Advice: Boris Hauf
Knitting Design: NITTO Studio

Press/ PR: Lilly Schofield
Production dramaturgy: Barbara Greiner

თარიღი: 1, 2 ივნისი
დრო: 20:00
მისამართი: მოძრაობის თეატრი

ბილეთები: 1 ივნისი  |  2 ივნისი

]]>