Circe https://circeplatform.com Experimental Platform for Dance and Theatre Fri, 16 May 2025 10:07:31 +0000 ka-GE hourly 1 https://circeplatform.com/wp-content/uploads/2020/12/cropped-Screenshot-2020-12-02-at-5.56.38-PM-32x32.png Circe https://circeplatform.com 32 32 iCoDaCo-ს შეხვედრა, მე-2 და მე-3 კვირა https://circeplatform.com/ka/icodaco-%e1%83%a1-%e1%83%a8%e1%83%94%e1%83%ae%e1%83%95%e1%83%94%e1%83%93%e1%83%a0%e1%83%90-%e1%83%9b%e1%83%94-2-%e1%83%93%e1%83%90-%e1%83%9b%e1%83%94-3-%e1%83%99%e1%83%95%e1%83%98%e1%83%a0%e1%83%90/ Tue, 08 Apr 2025 09:49:48 +0000 https://circeplatform.com/?p=5482
3-16 მარტი, 2025
თანამედროვე ცეკვის, თეატრისა და მუსიკის პლატფორმა კირკემ და ქართულმა კოლექტივმა გაანახლა შეხვედრები iCoDaCo-ს 11 ევროპულ ორგანიზაციასთან ერთად.
iCoDaCo 2024-2027 არის ევროპული პროექტი, რომელიც აერთიანებს თანამედროვე ცეკვის არტისტებს 11 ქვეყნიდან.
პროექტი მიზნად ისახავს თანამედროვე ცეკვის მდგრადობის, ხელმისაწვდომობისა და ინოვაციის გაძლიერებას. ის ქმნის მსოფლიოში პირველ ღია პლატფორმას, რომელიც მოიცავს როგორც თანამედროვე ექსპერიმენტალურ ცეკვას, ასევე თავს უყრის მსოფლიოს ნებსმიერ კუთხეში არსებულ პროფესიონალ და დამწყებ მოცეკვავეებს. პროექტი ასევე უზრუნველყოფს მენტორობას და მხარდაჭერას მონაწილე არტისტებისთვის.
პარტნიორები
RoomsHotel
“ilDance”
SHIFFT/Jasper van Luijk
FACE – Fresh Arts Coalition Europe
CensoredCollective
Instável – Centro Coreógrafico
Studio ALTA
Creativity Lab
SÍN Arts and Culture Center
Movimiento en Red
Laukku
Sebastian Matthias Collaborations – Germany
]]> iCoDaCo-ს შეხვედრა, 1-ლი კვირა https://circeplatform.com/ka/icodaco-%e1%83%a1-%e1%83%a8%e1%83%94%e1%83%ae%e1%83%95%e1%83%94%e1%83%93%e1%83%a0%e1%83%90-1-%e1%83%9a%e1%83%98-%e1%83%99%e1%83%95%e1%83%98%e1%83%a0%e1%83%90/ Tue, 08 Apr 2025 09:36:09 +0000 https://circeplatform.com/?p=5471
25 ნოემბერი – 1 დეკემბერი, 2024
თანამედროვე ცეკვის, თეატრისა და მუსიკის პლატფორმა კირკე ვეხმაურებით ქვეყანაში მიმდინარე მოვლენებს.
რვა წლის განმავლობაში ჩვენი გუნდის , თანამედროვე ცეკვის, თეატრისა და მუსიკის პლატფორმის- კირკეს მიზანი იყო საკუთარი ძალებით, ხელოვნებითა და საერთაშორისო ურთიერთობებით გამოეხატა ქართული კულტურისა და ხელოვნების მჭიდრო კავშირი ევროპასთან.
სწორედ შარშან, სამწლიანი შრომის შედეგად, გავხდით Creative Europe-ის გრანტის ფარგლებში iCoDaCo-ს ორგანიზაციის პარტნიორები, რაც აეთიანებს 11 სხვა ევროპულ არტისტების ორგანიზაციებს და ჩვენც მათ შორის, საქართველოში ვართ პირველები რომლებიც ვიღებთ მონაწილეობას თანამედროვე ცეკვის ასეთ დიდ პროექტში, რაც კიდევ ერთხელ ადასტურებს ჩვენს ადგილს ევროპაში.
ეს ორგანიზაციებია:
ilDance : Sweden, SHIFFT : Netherlands, FAC: France, CUNTS Collective: Denmark, Companhia Instavel : Portugal, Studio Alta: Czech Republic, Creativity Lab: Latvia, SIN arts Centre: Hungary, Movimiento en Red: Spain, LAUKKU: Latvia, Sebastian Matthias Collaborations: Germany
iCoDaCo – კი გახლავთ თანამედროვე ცეკვის საერთაშორისო კოლექტივი, რომელიც არის ინოვაციური და ინტერკულტურული გაცვლის პროექტი. იგი მუდმივად განაგრძობს განვითარებას თანამედროვე ცეკვის ლანდშაფტში. 2012 წლიდან, დაარსების დღიდან, iCoDaCo ყურადღებას ამახვილებს ალტერნატიული სტრატეგიებისა და მეთოდოლოგიების შემუშავებასა და განხორციელებაზე, რომლებიც პასუხობენ დღევანდელი მხატვრული და სოციალური რეალობის მწვავე საჭიროებებს.
iCoDaCo აერთიანებს თანამედროვე ცეკვის შემსრულებლების კოლექტივს ევროპის 12 ქვეყნიდან, რათა ერთობლივად ჩამოაყალიბონ ახალი ცოდნა, პრაქტიკა და მეთოდოლოგია. ეს ერთობლივი ძალისხმევა მიზნად ისახავს გააძლიეროს მდგრადობა, ხელმისაწვდომობა და ინოვაცია თანამედროვე ცეკვაში, ასევე გააფართოვოს ცეკვის ცოდნის გავლენა მიმდებარე სექტორებსა და ფართო საზოგადოებაში. iCoDaCo-ს 2022-2026 წლიან პროექტში ჩაიდო უამრავი ადამიას შრომა, როგოც ევროპული პარტნიორების, ასევე ქართველი არტისტების მხრიდან, წლები დასჭირდა ამ პროექტის მომზადებასა და განხორციელებას.
მიუხედავად იმისა, რომ ამ რთულ სიტუაციაში კირკეს გუნდი მორალურად ძალიან დათრგუნული ვიყავით , ჩვენ ვალდებულად ჩავთვალეთ, ევროკავშირის ეს უმნიშვნელოვანესი პროექტი არ შეგვეჩერებინა და აქციებზე გამოსვლისა და პროტესტის გამოხატვის პარალელურად მაინც ვყოფილიყავით ჩართულები მიმდინარე ვორქშოფებსა და სამუშაოებში. ამ ეტაპზე საჭიროდ არ ვთვლით ვისაუბროთ ჩვენი პირველი ფიზიკური შეხვედრისა და მუშაობის პროცესებსა თუ შედეგებზე და ამ შეხვედრის იდეების გასაჯაროებისაგან თავს ვიკავებთ.
დღეს ისევ დავდექით იმ კითხვის ნიშნის ქვეშ, დავრჩებით თუ არა ისევ ამ პროექტში,ვიქნებით თუ არა ცივილური სამყაროს ნაწილი თუ დავბრუნდებით სიბნელეში, რომელიც უკვე მწარად გამოსცადა ჩვენმა წინა თაობებმა, ჩვენმა ხალხმა და ჩვენმა ისტორიამ.
დიდი შრომითა და ცეკვის მიმართ დიდი სიყვარულის შედეგად მოვახერხეთ და გავხდით ნაწილი ამ უნიკალური პროექტის , მაგრამ დღეს არ არის დრო ვისაუბროთ ცეკვაზე და ეკოლოგიაზე, რადგანაც დავემსგავსეთ თავისუფლებისთვის მებრძოლ ჯარისკაცებს. ამ ბრძოლაში დიდად გვაიმედებს ის ფაქტი, რომ ჩვენი თითოეული ევროპული ორგანიზაცია და კოლექტივის 60 -მდე არტისტი ხმამაღლა გამოხატავს ჩვენს თანადგომას და ბოლომდე აპირებს ჩვენთან ერთად ბრძოლას.
ამასთან გიზიარებთ ჩვენი ვორქშოფის ბოლო დღის თემას:
ხორუმი- ზუსტადაც რომ საბრძოლო შინაარსის საფერხულო წყობის უძველესი ქართული ხალხური ცეკვაა, რომლის ფონზეც დავასრულეთ ჩვენი ერთკვირიანი შეხვედრები .
]]> iCoDaCo -first week’s meeting https://circeplatform.com/ka/icodaco-first-weeks-meeting/ Tue, 08 Apr 2025 08:17:34 +0000 https://circeplatform.com/?p=5465
თანამედროვე ცეკვის, თეატრისა და მუსიკის პლატფორმა კირკე ვეხმაურებით ქვეყანაში მიმდინარე მოვლენებს.
რვა წლის განმავლობაში ჩვენი გუნდის , თანამედროვე ცეკვის, თეატრისა და მუსიკის პლატფორმის- კირკეს მიზანი იყო საკუთარი ძალებით, ხელოვნებითა და საერთაშორისო ურთიერთობებით გამოეხატა ქართული კულტურისა და ხელოვნების მჭიდრო კავშირი ევროპასთან.
სწორედ შარშან, სამწლიანი შრომის შედეგად, გავხდით Creative Europe-ის გრანტის ფარგლებში iCoDaCo-ს ორგანიზაციის პარტნიორები, რაც აეთიანებს 11 სხვა ევროპულ არტისტების ორგანიზაციებს და ჩვენც მათ შორის, საქართველოში ვართ პირველები რომლებიც ვიღებთ მონაწილეობას თანამედროვე ცეკვის ასეთ დიდ პროექტში, რაც კიდევ ერთხელ ადასტურებს ჩვენს ადგილს ევროპაში.
ეს ორგანიზაციებია:
ilDance : Sweden, SHIFFT : Netherlands, FAC: France, CUNTS Collective: Denmark, Companhia Instavel : Portugal, Studio Alta: Czech Republic, Creativity Lab: Latvia, SIN arts Centre: Hungary, Movimiento en Red: Spain, LAUKKU: Latvia, Sebastian Matthias Collaborations: Germany
iCoDaCo – კი გახლავთ თანამედროვე ცეკვის საერთაშორისო კოლექტივი, რომელიც არის ინოვაციური და ინტერკულტურული გაცვლის პროექტი. იგი მუდმივად განაგრძობს განვითარებას თანამედროვე ცეკვის ლანდშაფტში. 2012 წლიდან, დაარსების დღიდან, iCoDaCo ყურადღებას ამახვილებს ალტერნატიული სტრატეგიებისა და მეთოდოლოგიების შემუშავებასა და განხორციელებაზე, რომლებიც პასუხობენ დღევანდელი მხატვრული და სოციალური რეალობის მწვავე საჭიროებებს.
iCoDaCo აერთიანებს თანამედროვე ცეკვის შემსრულებლების კოლექტივს ევროპის 12 ქვეყნიდან, რათა ერთობლივად ჩამოაყალიბონ ახალი ცოდნა, პრაქტიკა და მეთოდოლოგია. ეს ერთობლივი ძალისხმევა მიზნად ისახავს გააძლიეროს მდგრადობა, ხელმისაწვდომობა და ინოვაცია თანამედროვე ცეკვაში, ასევე გააფართოვოს ცეკვის ცოდნის გავლენა მიმდებარე სექტორებსა და ფართო საზოგადოებაში.
iCoDaCo-ს 2022-2026 წლიან პროექტში ჩაიდო უამრავი ადამიას შრომა, როგოც ევროპული პარტნიორების, ასევე ქართველი არტისტების მხრიდან, წლები დასჭირდა ამ პროექტის მომზადებასა და განხორციელებას.
მიუხედავად იმისა, რომ ამ რთულ სიტუაციაში კირკეს გუნდი მორალურად ძალიან დათრგუნული ვიყავით , ჩვენ ვალდებულად ჩავთვალეთ, ევროკავშირის ეს უმნიშვნელოვანესი პროექტი არ შეგვეჩერებინა და აქციებზე გამოსვლისა და პროტესტის გამოხატვის პარალელურად მაინც ვყოფილიყავით ჩართულები მიმდინარე ვორქშოფებსა და სამუშაოებში.
ამ ეტაპზე საჭიროდ არ ვთვლით ვისაუბროთ ჩვენი პირველი ფიზიკური შეხვედრისა და მუშაობის პროცესებსა თუ შედეგებზე და ამ შეხვედრის იდეების გასაჯაროებისაგან თავს ვიკავებთ.
დღეს ისევ დავდექით იმ კითხვის ნიშნის ქვეშ, დავრჩებით თუ არა ისევ ამ პროექტში,ვიქნებით თუ არა ცივილური სამყაროს ნაწილი თუ დავბრუნდებით სიბნელეში, რომელიც უკვე მწარად გამოსცადა ჩვენმა წინა თაობებმა , ჩვენმა ხალხმა და ჩვენმა ისტორიამ.
დიდი შრომითა და ცეკვის მიმართ დიდი სიყვარულის შედეგად მოვახერხეთ და გავხდით ნაწილი ამ უნიკალური პროექტის , მაგრამ დღეს არ არის დრო ვისაუბროთ ცეკვაზე და ეკოლოგიაზე, რადგანაც დავემსგავსეთ თავისუფლებისთვის მებრძოლ ჯარისკაცებს. ამ ბრძოლაში დიდად გვაიმედებს ის ფაქტი, რომ ჩვენი თითოეული ევროპული ორგანიზაცია და კოლექტივის 60 -მდე არტისტი ხმამაღლა გამოხატავს ჩვენს თანადგომას და ბოლომდე აპირებს ჩვენთან ერთად ბრძოლას.
ამასთან გიზიარებთ ჩვენი ვორქშოფის ბოლო დღის თემას:
ხორუმი- ზუსტადაც რომ საბრძოლო შინაარსის საფერხულო წყობის უძველესი ქართული ხალხური ცეკვაა, რომლის ფონზეც დავასრულეთ ჩვენი ერთკვირიანი შეხვედრები .
The platform for contemporary dance, theatre, and music, “Circe,” responds to the ongoing events in the country.
For eight years, the mission of our team at the platform for contemporary dance, theatre, and music – “Circe” – has been to express, through our own efforts, art, and international relationships, the close connection between Georgian culture and art and Europe.
It was exactly last year, after three years of hard work, that we became partners of the iCoDaCo organization under the Creative Europe grant, which includes 11 other European artist organizations. We are the first in Georgia to participate in such a large contemporary dance project, further confirming our place in Europe.
The participating organizations are:
ilDance (Sweden), SHIFFT (Netherlands), FAC (France), CUNTS Collective (Denmark), Companhia Instável (Portugal), Studio Alta (Czech Republic), Creativity Lab (Latvia), SIN Arts Centre (Hungary), Movimiento en Red (Spain), LAUKKU (Latvia), and Sebastian Matthias Collaborations (Germany).
iCoDaCo is an international collective for contemporary dance, an innovative and intercultural exchange project. It continues to evolve within the contemporary dance landscape. Since its founding in 2012, iCoDaCo has focused on the development and implementation of alternative strategies and methodologies that address the pressing artistic and social needs of today’s world.
iCoDaCo brings together contemporary dance performers from 12 countries in Europe to collaboratively develop new knowledge, practices, and methodologies. This collective effort aims to enhance sustainability, accessibility, and innovation in contemporary dance, as well as expand the influence of dance knowledge in related sectors and the broader public.
The iCoDaCo 2022-2026 project has involved immense work, both from European partners and Georgian artists. It took years to prepare and implement this project.
Despite the difficult situation, the “Circe” team was deeply discouraged, but we felt it was our duty not to abandon this crucial European Union project. Despite participating in protests and expressing dissent, we continued our involvement in ongoing workshops and activities.
At this point, we do not consider it necessary to discuss the process and outcomes of our first physical meeting, nor are we sharing the ideas that emerged from it.
Today, we once again face the uncertainty of whether we will remain part of this project, whether we will be part of the civilized world, or whether we will return to the darkness that has already bitterly tested our previous generations, our people, and our history.
Through great effort and a deep love for dance, we have managed to become part of this unique project, but today is not the time to discuss dance or ecology. Instead, we have become soldiers fighting for freedom. In this battle, we are greatly encouraged by the fact that nearly 60 artists from each of our European partner organizations and collectives are loudly expressing their solidarity and are committed to fighting alongside us until the end.
We would also like to share the theme of the final day of our workshop:
Khorumi – an ancient Georgian folk dance with a martial context and complex structure – was the foundation of our week-long meetings.
? ? ? ? ? ? ? ? ? ? ? ? ? ? ? ? ? ? ? ? ? ? ? ? ?
Sebastian Matthias Collaborations – Germany
]]> “იქამდე, სანამ ენა არ იტყვის” https://circeplatform.com/ka/%e1%83%98%e1%83%a5%e1%83%90%e1%83%9b%e1%83%93%e1%83%94-%e1%83%a1%e1%83%90%e1%83%9c%e1%83%90%e1%83%9b-%e1%83%94%e1%83%9c%e1%83%90-%e1%83%90%e1%83%a0-%e1%83%98%e1%83%a2%e1%83%a7%e1%83%95%e1%83%98/ Thu, 26 Dec 2024 09:37:03 +0000 https://circeplatform.com/?p=5369
22 ნოემბერს კირკე- ცეკვის და თეატრის ექსპერიმენტულმა პლატფორმამ განახორციელა ექსპერიმენტული ცეკვის პერფორმანსი “იქამდე, სანამ ენა არ იტყვის”
პერფორმანსის შესახებ
…
საუკუნეებია, რაც ქალის ცხოვრება მოჯადოებულ წრეს ჰგავს, სადაც უსიცოცხლო,რუტინული საქმე ხშირად უბრალოდ ერთმანეთს ანაცვლებს. საუკუნეებია ქალს საგანგებოდ მისთვის მიჩენილი გენდერული როლი აქვს. ქალის განცდები, ცხოვრება,სურვილები, წარმატება თუ წარუმატებლობა იმ ლინზებიდან არის დანახული, რომელიც კაცებმა ჯერ თვითონ მოირგეს, შემდეგ კი ქალებსა და მთელს საზოგადოებას მოარგეს.  ქალების ამბები, როგორც წესი კაცებს მიერ შეთხზული ამბებია; ქალების სურვილები კაცების მიერ ნაკარნახები სურვილები; ქალების თვითაღქმა იმ განცდითაა მოჯადოებული, რომელიც ისევ და ისევ კაცებს ეკუთვნით; ქალის სხეული ძალაუფლებით ვაჭრობისა და მისი მუდმივი გადანაწილების ადგილია; ქალის მოძრაობაც კი კაცის მზერით არის მოჩარჩოებული. მიუხედავად ამისა, ხელოვნების ისტორიის ეპიცენტრში არაერთხელ ექცევიან ქალები საკუთარი ცხოვრების დეტალური აღწერით. შემოქმედებითი სამყარო ქალის რუტინულ ყოფას საუკუნეებია გამადიდებელი შუშით აკვირდება, იმ იმედით, რომ მასში ნორმალიზებული წესრიგის გარდა დაფარულ სურვილებს, ვნებებს, მისწრაფებებსა და ოცნებებს იპოვის.
ქალის ხილვადობა, მისი ისტორიის ხილვადობა, თანამედროვე ტექნოლოგიების სამყაროშიც გადაუჭრელ პრობლემად რჩება. ოდესღაც საჯარო სივრცეებიდან გამქრალი ქალები დღეს თითქოს უბრუნდებიან იმ სივრცეებს, რომელთაც არასდროს მიაკუთვნებდნენ, თუმცა საზოგადოების ზეწოლის ფონზე, რასაც ქალები მუდმივად განიცდიან, ხელოვნების ისტორიისთვის უცვლელი რჩება შეკითხვა: რა არის ქალების ცხოვრებაში თავსმოხვეული წესრიგის გარდა მართლაც მათ მიერ განცდილი?
ქალის კონფლიქტი კაცის სამყაროსთან ყოველთვის საკუთარი სურველებისა და მისწრაფებების აღმოჩენის ფონზე იბადება, სადაც ქალი საკუთარ ცხოვრებაზე თავად იღებს ძალაუფლებას. მორჩილების საწინააღმდეგო სიცოცხლის ვნება, იცხოვროს ქალმა საკუთარი ცხოვრებითა და განცდებით მას საზოგადოების წარმოდგენებთან მუდმივად დაპირისპირებულს ხდის. ფემიციდის მაღალი მაჩვენებელი თუ ქალთა
მიმართ ძალადობის გაზრდილი რიცხვი პირდაპირ კავშირია ქალის სურვილთან იცხოვროს საკუთარი ცხოვრებითა და გონებით, ნაცვლად მუდმივი მორჩილებისა.
პერფორმანსი კიდევ ერთხელ აკვირდება ქალსა და მის ცხოვრებას, რომელიც საზოგადოების წნეხის ქვეშ მოექცა, რუტინულმა ცხოვრებამ და მუდმივმა შიშმა ქალს თითქოს სული ამოსჭამა. ქალი, ჩაკეტილ სივრცეში, მოჯადოებულ წრეში, გაქვავებული თუ გაყინული დროის შვილია, რომელიც ტკივილით აგრძელებს სვლას მიუხედავად ყველა სირთულისა . სამყაროში, სადაც მისთვის არაფერი იცვლება,თვითონ მუდმივად იცვლის ფორმას.ის ცვლილების არსებობის სურვილსა და საჭიროებას განასახიერებს.
…
ოთახში ცეკვავს ქალი და მისი დახმარებით მაყურებელი ხედავს, ადამიანს, რომელიც უხერხულადაა, შებოჭილია, პერიოდულად ბრაზი იპყრობს, ვერ ერგება მისთვის მინიჭებულ როლს და არც ის იცის როგორ შეცვალოს ეს. მას ხან უსუსურობის განცდა ეწვევა, ხანაც თვითდესტრუქციის სურვილი იპყრობს. ქალი სიჩუმეს ინარჩუნებს, გარშემო ისმის საყოფაცხოვრებო ნივთების ხმა, რომელიც დროებით არღვევს გარშემო გამეფებულ სიჩუმეს. ეს ქალი თითქოს ტკივილმა, საკუთარი თავის დამალვის სურვილმა დაადუმა, იმედგაცრუების შეგრძნებამ ხმა წაართვა და მხოლოდ რუტინული მოძრაობისა და შრომობის უნარიღა დაუტოვა. მხოლოდ ცეკვა და მუსიკაა , რომელიც სიცოცხლისაკენ მიბრუნების სურვილს აღძრავს , როგორც სიცოცხლის ვნების გამომხატველი უნივერსალური ენა.
პერფორმანსის დასასრულს კი პირველად მისი ბაგედან იბადება სიტყვა, როგორც ახალი სიცოცხლის, გაცოცხლების, მრავალწლიანი ძილიდან გამოღვიძების სიმბოლო. ეს პირველი ვერბალური აქტი ქალის რადიკალურ გარდაქმნაზე მიუთითებს. აღმოთქმული სიტყვა კი მეორედ დაბადების, მეორე შანსისა და სამყაროსთან ჰარმონიული გადაკვეთის სიმბოლოა . თითქოს ხელახლა ბადებს სამყაროს ბგერაში, სიტყვაში, ვიბრაციაში. ცეკვა და მუსიკა ბიძგისმიმცემი ხდება ქალისთვის, რათა მისი ხმა კოსმიურ ხმას შეუერთდეს, რაღაც გაცილებით უფრო დიდს და მნიშვნელოვანს, ცხოვრების მდორე რიტმიდან გარდამავალს მაგიურსა და უსასრულოში.
…..
კრედიტები
რეჟისორი და სცენარის ავტორი -მაკა კილაძე
მოცეკვავე და ქორეოგრაფი- ნატალია კუკულაძე
მუსიკოსი და კომპოზიტორი-სანდრო მიშელაშვილი
ფოტოგრაფი და პროექტის მენეჯერი- ნია ჯინელი
კოსტიუმი- ლაშაო გაბუნია Jesus Star
დიზაინერი- გიორგი თავშავაძე

]]> თანამედროვე ცეკვის, თეატრისა და მუსიკის პლატფორმა კირკე ეხმაურება მიმდინარე მოვლენებს https://circeplatform.com/ka/%e1%83%97%e1%83%90%e1%83%9c%e1%83%90%e1%83%9b%e1%83%94%e1%83%93%e1%83%a0%e1%83%9d%e1%83%95%e1%83%94-%e1%83%aa%e1%83%94%e1%83%99%e1%83%95%e1%83%98%e1%83%a1-%e1%83%97%e1%83%94%e1%83%90%e1%83%a2/ Wed, 04 Dec 2024 13:00:19 +0000 https://circeplatform.com/?p=5287 თანამედროვე ცეკვის, თეატრისა და მუსიკის პლატფორმა კირკე მიმდინარე პოლიტიკური სიტუაციის გამო, თავს ვიკავებთ iCoDaCo-სთან და დანარჩენ 11 ევროპულ ორგანიზაციასთან ერთად ჩვენი პირველი ერთკვირიანი სამუშაო შეხვედრების ინფორმაციის გასაჯაროებისაგან და ვაზიარებთ მხოლოდ ერთ ფოტოს. ვიმედოვნებთ, რომ შემდეგი შეხვედრები განახლდება თავისუფალ, მშვიდობიან და დამოუკიდებელ საქართველოში

 

“ilDance”
SHIFFT/Jasper van Luijk
FACE – Fresh Arts Coalition Europe
CensoredCollective
Instável – Centro Coreógrafico
Studio ALTA
Creativity Lab
SÍN Arts and Culture Center
Movimiento en Red
Laukku
Sebastian Matthias Collaborations – Germany
#iCoDaCo #icodaco2024-2027 #dancers #choreographers #CreativeEurope #EuropeanUnion?? #contemporarydance #europeancollaborationion #dancecollective #EUFunded #culturalexchange#creativeconnections

]]> iCoDaCo 2024-2027 Participants https://circeplatform.com/ka/icodaco-2024-2027-participants-2/ Wed, 17 Jul 2024 09:57:05 +0000 https://circeplatform.com/?p=5740

“ექსპერიმენტული ცეკვისა და თეატრის პლატფორმა – კირკე”, როგორც ევროპული თანამშრომლობის პროექტის, iCoDaCo-ს (International Contemporary Dance Collective 2024-2027) პარტნიორი, მოხარულია გაცნობოთ, რომ 8 არტისტი უკვე შერჩეულია iCoDaCo 2024-2027 კოლექტივის ფარგლებში.

პროექტი თანამედროვე ცეკვის შემსრულებლებს აერთიანებს ევროპის 12 ქვეყნიდან, რათა ჩამოაყალიბონ ცხრა კოლექტივი. კოლექტივები ერთად მუშაობენ ახალი ცოდნის, მეთოდოლოგიისა და პრაქტიკის შესამუშავებლად. iCoDaCo 2024-2027 არის დიდი ევროპული თანამშრომლობის პროექტი, რომელიც თანადაფინანსებულია ევროკავშირის მიერ. პროექტის კოორდინატორია შვედური ორგანიზაცია ilDance. პროექტი 2012 წლიდან მიმდინარეობს სხვადასხვა გეოგრაფიულ არეალში, განსხვავებული პარტნიორებითა და ფოკუსებით.

2024-2027 წლების გამოცემა ფოკუსირებულია ალტერნატიული და ინოვაციური სტრატეგიებისა და მეთოდოლოგიების შემუშავებასა და განხორციელებაზე თანამედროვე ცეკვის გავრცელების მიზნით. პროექტის მიზანია გააუმჯობესოს ლანდშაფტი და შესაძლებლობები თანამედროვე ცეკვის შემსრულებლებისთვის, პროდიუსერებისთვის, წარმომადგენლებისთვის, ჯგუფებისა და აუდიტორიისთვის ევროპასა და მის ფარგლებს გარეთ.

სარეზიდენციო პროგრამის მონაწილეები არიან:

  • მაკა კილაძე
  • ანა გუბელაძე
  • ნატალია კუკულაძე
  • ანანო ჩიხლაძე
  • ერეკლე ჟღენტი
  • მეგი გელაშვილი
  • ჯონათან რასელი
  • ნინო ხოსიტაშვილი
]]> iCoDaCo 2024-2027: მოცეკვავეებისა და ქორეოგრაფების მიღება საქართველოდან https://circeplatform.com/ka/icodaco-2024-2027/ Tue, 21 May 2024 13:11:44 +0000 https://circeplatform.com/?p=5497

კირკე – ექსპერიმენტული ცეკვისა და თეატრის პლატფორმა აცხადებს მოცეკვავეებისა და ქორეოგრაფების მიღებას შემოქმედებითი ევროპის საერთაშორისო პროექტში, 

iCoDaCo 2024-2027.

 

განაცხადების მიღება 21 მაისს იწყება და 14 ივნისს დასრულდება. 17 ივნისს შერჩეულ კანდიდატებთან ზუმის საშუალებით შედგება ონლაინ შეხვედრა. 20 ივნისს გამოცხადდება შერჩეული კანდიდატების საბოლოო სია.

 

პროექტის ფარგლებში შეირჩევა სულ 8 მოცეკვავე/ქორეოგრაფი, რომელიც 4 წლის განმავლობაში ჩაერთვება, საერთაშორისო სარეზიდენციო პროგრამაში, რომლის მიზანია კვალიფიკაციის ამაღლება და  საერთაშორისო თანამშრომლობის წახალისება.

 

iCoDaCo 2024-2027 შესახებ

iCoDaCo 2024-2027 ევროპული თანამშრომლობის დიდი პროექტია, რომელიც ევროკავშირის დაფინანსებით შეიქმნა. პროექტის კოორდინატორი შვედური ორგანიზაცია ilDance-ია. პროექტი 2012 წლიდან მიმდინარეობს სხვადასხვა ადგილზე, სხვადასხვა პარტნიორებითა და თემატური ფოკუსებით. 

პროექტი თანამედროვე ცეკვის შემსრულებლებს აერთიანებს ევროპის 12 ქვეყნიდან, რათა ჩამოაყალიბონ ცხრა კოლექტივი. კოლექტივები ერთად მუშაობენ ახალი ცოდნის, მეთოდოლოგიისა და პრაქტიკის შესამუშავებლად.

iCoDaCo 2024-2027-ის ფარგლებში, ცხრა ეროვნული კოლექტივი შვედეთიდან, დანიიდან, ნიდერლანდებიდან, ესპანეთიდან, პორტუგალიიდან, ჩეხეთიდან, ლატვიიდან, უნგრეთიდან და საქართველოდან მჭიდროდ ითანამშრომლებს ერთმანეთთან. ჩაერთვება თანამშრომლობით პროექტებში, გაცვლასა და საერთო პრაქტიკის გაზიარების პროცესში ციფრული პლატფორმების დახმარებით მთელი პროექტის განმავლობაში.

პროექტის მიზანია გააძლიეროს, განავითაროს და უზრუნველყოს მდგრადობა, ხელმისაწვდომობა და ინოვაცია თანამედროვე ცეკვის სფეროში. ამასთან, საკუთარი წვლილი შეიტანოს ცეკვის შესახებ არსებული ცოდნის გაძლიერებაში  მოცემულ სექტორსა და საზოგადოების სხვა ჯგუფებში.

 

iCoDaCo 2024-2027 შეიმუშავებს მსოფლიოში პირველ ღია წვდომის ციფრულ პლატფორმას, რომელიც განკუთვნილია თანამედროვე ცეკვის პრაქტიკისთვის. პროექტში მონაწილე ყველა არტისტი მოცემულ პლატფორმაში საკუთარ წვლილს შეიტანს როგორც ინდივიდუალურ, ისე კოლექტიურ დონეზე; პროექტის  მიზანია გლობალურად გააძლიეროს ცოდნის გაზიარება, თანამშრომლობა და ხელმისაწვდომობა თანამედროვე ცეკვის შესახებ.

 

კირკეს – ცეკვისა და თეატრის ექსპერიმენტული პლატფორმის შესახებ

კირკე – ექსპერიმენტული ცეკვისა და თეატრის პლატფორმაა, რომელიც   თანამედროვე ცეკვას, თეატრსა და მუსიკას აერთიანებს.

პლატფორმა ემსახურება საქართველოში თანამედროვე ექსპერიმენტული ცეკვისა და პერფორმანსის სცენის განვითარებას. კირკე – ექსპერიმენტული ცეკვისა და თეატრის პლატფორმა მასპინძლობს საერთაშორისო თანამედროვე პერფორმანსების ღონისძიებებსა და აწყობს ვორქშოფებს ქართული აუდიტორიისთვის. პლატფორმა აძლიერებს სფეროს და ეხმარება საერთაშორისო თანამშრომლობაში.

კირკეს მიზნებია: სოციალურად აქტიური შემოქმედებითი სივრცის შექმნა, რათა ხელი შეუწყოს ახალი დისკურსიების განვითარებასა და ზოგადად, ვიზუალურ ხელოვნებაზე, კინოზე, თეატრზე, თანამედროვე ცეკვაზე წარმოდგენის გაფართოებას საჯარო ლექციების მეშვეობით. 

 

არტისტი როლი iCoDaCo 2024-2027-ში

iCoDaCo 2024-2027 პროგრამაში მონაწილე არისტებისთვის

ცოდნის წარმოების პროცესში – მრავალმხრივი რეზიდენტურის პროგრამა (2024 ნოემბერი – 2026 თებერვალი).

არტისტები მონაწილეობას მიიღებენ ვრცელ რეზიდენტურ პროგრამაში, რომელიც თემატურად არის შემუშავებული ინოვაციების გასაღვივებლად და სიღმისეული კვლევის გასაადვილებლად. რაც მოიცავს როგორც მოკლე, ისე ხანგრძლივი რეზიდენციების სერიას, რომელიც ხელს უწყობს შემოქმედებითი კვლევისა და გაცვლის სივრცის განვითარებას. რეზიდენციების დროს არტისტები ითანამშრომლებენ სხვა საერთაშორისო კოლექტივებთან (სხვა გეოგრაფიულ ადგილებში). არტისტებს მოეთხოვებათ უკუკავშირი თითოეული თემის შესახებ თითოეული რეზიდენციის ბოლოს, რაც მოგვიანებით გაზიარდება ახლად შემუშავებულ iCoDaCo ღია წვდომის ციფრულ პლატფორმაზე.

საერთო ჯამში მოცემულია რეზიდენციის, ცოდნის წარმოების (კვლევითი) 15 კვირა, რომელიც იყოფა 8 რეზიდენციად (ერთი 1 ერთკვირიანი და 7 ორკვირიანი).

9-ვე კოლექტივი ერთდროულად ერთვება რეზიდენციაში, თითოეული საკუთარ ქვეყანაში. ყოველ კვირას განისაზღვრება თემა, რომელსაც ყოველი კოლექტივი მიმართავს. პერიოდულად კოლექტივი მიიღებს სტიმულს, რათა დაეხმაროთ რეზიდებციაში მყოფებს კვლევის პროცესში. სტიმული არ კარნახობს კოლექტივებს კონკრეტულ მიდგომას, მეთოდოლოგიას ან პროცესს, რომელსაც   მიმართავენ, მეთოდოლოგიას და პროცესს შეიმუშავებს თვითონ კოლექტივი. თითოეულ კოლექტივს შესაძლებლობა აქვს შეიმუშაოს განსხვავებული მიდგომა. ერთსულოვნება და ერთგვაროვნება საჭირო არ არის.

ყოველ კვირას რეზიდენციაში,  შუა კვირაში იქნება სხვა  კოლექტივების არტისტებთან კომუნიკაციის შესაძლებლობა. აქ არტისტებს შეეძლებათ წინ წამოწიონ აზრები/იდეები სხვა კოლექტივებთან და მთლიან კოლექტივთან, სურვილის არსებობის შემთხვევაში. რაც მოხდება არტისტების ნებიდან/მოთხოვნიდან გამომდინარე და არა  პროექტის სტრუქტურაში არსებული ვალდებულების მიზეზით.

თითოეულ არტისტს (ყველა კოლექტივიდან) მოეთხოვება საკუთარი წვლილი/ასახვა/დასკვნა წარმოადგინოს პროექტის სტრუქტურაში შემოთავაზებული 15 კვარტლიდან. ინდივიდუალური წვლილის ფორმატს/მედიას თავად ინდივიდი აირჩევს (ტექსტი, ვიდეო, ესკიზი, აუდიო ფაილი, ფოტო, მიმი და ა.შ.).

ერთობლივი შექმნის პროცესი (2027 წლის გაზაფხული)

პროექტი ითვალისწინებს 6-კვირიან თანამშრომლობითი შექმნის პროცესს, რომელიც დაფუძნებულია ცოდნასა და პრაქტიკაზე. 

პროექტის ცოდნის წარმოების ფაზის შემდეგ, თითოეულ კოლექტივს მოეთხოვება შექნას ახალი ნამუშევარი. ახალ ნამუშევარს შეიმუშავებენ iCoDaCo-ს „ადგილობრივ“ კოლექტივებში და მთელს კოლექტივში. მოცემული ნამუშევარი შეიქმნება 6 კვირის განმავლობაში, ცოდნის წარმოების 15 კვირიანი პროცესის შემდეგ და წარმოდგენილი იქნება როგორც მინიფესტივალის ნაწილი.

საზოგადოების ჩართვა (პროექტის განმავლობაში)

iCoDaCo-ში ჩვენ  ცეკვის გარშემო ერთმანეთთან ვაკავშირებთ  საზოგადოების სხვადასხვა წევრებს, მათ შორის მოყვარულებს, სტუდენტებსა და მარგინალიზებული ჯგუფების წევრებს, მთელი რიგი აქტივობებით, როგორიცაა სემინარები, კლასები და საუბრები. საზოგადოების რომელ წევრებს რა გზით, როგორ და როდის დაუკავშირდებიან ჩართული არტისტები გადაწყდება არტისტებთან შეთანხმების საფუძველზე.

არტისტები ასევე ჩაერთვებიან საზოგადოებასთან ურთიერთობის ნაწილში, საჯარო ღონისძიებებში და პრაქტიკის გაზიარების პროცესში ლოკალურ/ეროვნულ დონეზე (ვორქშოფები, კლასები, არტისტული საუბრები, სემინარები, Satellite creation და ა.შ.).

*პროფესიული განვითარება (პროექტის განმავლობაში)

მიიღებთ წვდომას სემინარების, კონფერენციებისა და ვორქშოფების სერიაზე, რომელიც მიზნად ისახავს პროფესიული ზრდისა და ევროპის მასშტაბით შესაძლებლობების გაფართოებას.

გექნებათ ინდივიდუალური მენტორობის შესაძლებლობა და რჩევების მიღების სესიები ექსპერტებთან, თითოეული არტისტის საჭიროებებსა და ზრახვებზე დაყრდნობით.

მინი-ფესტივალ(ებ)ში მონაწილეობა (2 კვირა გაზაფხული-ზაფხული 2027)

წვლილის შეტანასა და მონაწილეობას შეძლებთ მინი-ფესტივალ(ებ)ის პროგრამებში, რომელიც მოიცავს პერფორმანსებს, ვორქშოპებს, არტისტების საუბრებსა და ლექციების დემონსტრირებას iCoDaCo ღია წვდომის ციფრული პლატფორმის თანამედროვე ცეკვის პრაქტიკისთვის. მინი-ფესტივალის პროგრამა მოიცავს ჰიბრიდულ ინდივიდუალურ და ციფრულ აქტივობებს, რომლებსაც უძღვებიან iCoDaCo კოლექტივების წევრები და თანამშრომლები.

iCoDaCo 2024-2027-ის ყველა კოლექტივი წარადგენს თავის ახალ კოლექტიურ ნამუშევარს მინი-ფესტივალ(ებ)ის პროგრამაში, რომელიც ჩატარდება სხვადასხვა გეოგრაფიულ ადგილას ერთდროულად. პროგრამა ინტერაქტიულობის შესაძლებლობას შექმნის ციფრული, ვირტუალური და ჰიბრიდული მედიის საშუალებით, რათა  არტისტებმა და ჯგუფებმა შეძლონ კომუნიკაცია.

წვლილი კოლექტიური ცოდნის წარმოებაში (პროექტის განმავლობაში)

მონაწილეებს მოუწევთ შემოქმედებითი პროცესისა და მოგზაურობის დოკუმენტირება და გაზიარება iCoDaCo 2024-2027-ში iCoDaCo ღია წვდომის ციფრულ პლატფორმაზე და ამით მონაწილეობა ცოდნისა და შემოქმედებითი კვლევის კოლექტიურ პროცესში.

არტისტებს უნდა ჰქონდეთ სურვილი გაუმკლავდნენ ციფრულ ფორმატებს, გაეცნონ მათ, იმუშაონ და გამოიყენონ ისინი მთელი პროექტის განმავლობაში. უნდა ჰქონდეთ სურვილი სათანადოდ უპასუხონ გარკვეულ ციფრულ და ანალოგურ ფორმატებსა და საშუალებებს, ზოგჯერ კი თარგმნონ საკუთარი პრაქტიკის ასპექტები ციფრულ ფორმებად და დაადასტურონ, თუ როგორ ვითარდება მათი პრაქტიკა მთელი პროექტის განმავლობაში.

აქტიურობა მედიისა და კომუნიკაციის ნაწილში (პროექტის განმავლობაში)

არტისტებს მოეთხოვებათ მონაწილეობა მიიღონ მარკეტინგის, კომუნიკაციისა და PR აქტივობებში, რაც გაზრდის iCoDaCo-ს ხილვადობას როგორც ადგილობრივ, ასევე საერთაშორისო დონეზე. აქტივობები ხილვადობის გაზრდის შესაძლებლობას მისცემთ თვითონ არტისტებსაც, როგორც პროექტის ელჩებს, ცნობილი საცეკვაო ღონისძიებებისა და პლატფორმების მასშტაბით.

ზოგადი ვადები:

პროექტი დაიწყო 2024 წლის იანვარში და დასრულდება 2027 წლის სექტემბერში, ძირითადი აქტივობები შემდეგნაირად განხორციელდება:

2024 წლის ნოემბერი – 2026 წლის თებერვალი: ცოდნის წარმოების პროცესი

პროექტის რეზიდენტებისთვის უკვე დადასტურებული თარიღებია:

25.11.- 01.12 2024 წ

03.03 – 16.03 2025 წ

21.04 – 04.05 2025 წ

02.06 – 15.06 2025 წ

15.09 – 28.09 2025 წ

20.10 – 02.11 2025 წ

19.01 – 01.02.2026 წ

16-29.03 2026 წ

2027 წლის გაზაფხული: კოლექტიური შექმნის პროცესი.

გაზაფხული – ზაფხული 2027: iCoDaCo მინი-ფესტივალები.

პროექტის განმავლობაში და ზემოხსენებულ პერიოდებს შორის, არტისტები ჩაერთვებიან საზოგადოებასთან ურთიერთობის პროგრამაში, პროფესიული განვითარებისა და სწავლის აქტივობებსა და iCoDaCo ღია წვდომის ციფრულ პლატფორმაში საკუთარი წვლილის შეტანის თვითმართულ პროცესში.

მონაწილეები მოცემულ სარეზიდენციო პერიოდებში ჩაერთვებიან შეთანხმებული დროის ფარგლებში და არა სრული განაკვეთით. კონკრეტულ სამუშაო დროზე მოლაპარაკება და შეთანხმება არტისტებისა და პროექტის პარტნიორების კომუნიკაციაზეა დამოკიდებული.

 

რას ვითხოვთ / მოთხოვნები:

 

ასაკობრივი ზღვარი 18 წლიდან (განაცხადის მომენტში), სხვა ასაკობრივი შეზღუდვა არ არსებობს. მოცეკვავეს/ქორეოგრაფს უნდა ჰქონდეს საკუთარი  პრაქტიკისა და ცეკვისადმი თანამედროვე მიდგომა. რაც არ გულისხმობს კონკრეტული ჟანრის  ესთეტიკისთვის უპირატესობის მინიჭებას, თუმცა მნიშვნელივანია დინამიური ურთიერთობა ჰქონდეს ამჟამინდელ მოცემულობასთან. კრიტიკული ლინზის შემოტანა ცეკვის  მხატვრულ, სოციალურ, პოლიტიკურ და კულტურულ კონტექსტში. ეს ნიშნავს, რომ მოცეკვავებმა/ქორეოგრაფებმა შეიძლება განავითარონ თავიანთი თანამედროვე პრაქტიკა ურბანული ცეკვის, ფოლკლორული ცეკვის, ტრადიციული ცეკვის, კლასიკური, თანამედროვე ან პოსტმოდერნული ცეკვის, ცირკის, პერფორმანსის ხელოვნების ან ნებისმიერი სხვა მიმართულებით.

მონაწილე დაფუძნებული უნდა იყოს საქართველოში, რაც ნიშნავს, რომ მათი პროფესიული საქმიანობის უმეტეს ნაწილს და დროის უმეტეს ნაწილს უნდა ატარებდნენ საქართველოში ცხოვრებაში. აუცილებელია, ხელმისაწვდომი იყვნენ პროექტში ჩართვისთვის მთელი აღნიშნული დროის მანძილზე (2024-2027). აპლიკანტს უნდა ჰქონდეს ინტერესი და სურვილი, ვიმუშაოთ კოლექტიურად სხვა არტისტებთან. საჭიროა ღია აზროვნება და ცნობისმოყვარეობა, რათა შევქმნათ ნამდვილად კოლექტიური და თანამშრომლობითი პროცესი.

აპლიკანტს მოეთხოვება ინტერესი იმუშაოს თანამედროვე ცეკვის პრაქტიკის განსავითარებლად ადგილობრივ, ეროვნულ და საერთაშორისო კონტექსტში. მნიშვნელოვანია ცეკვისა და მისი შექმნის გამოცდილება, ასევე კვლევითი გამოცდილება. განმცხადებლებს მოეთხოვებათ ჰქონდეთ ცეკვის  მნიშვნელოვანი პროფესიული გამოცდილება, რათა ხელი შეუწყონ პროექტში მონაწილე სხვა არტისტებთან ურთიერთსაწინააღმდეგო და დინამიურ გაცვლას. მონაწილეიბის მსურველი  დაინტერესებული უნდა იყოს საკუთარი ფიზიკური სხეულის (შემსრულებელი სხეულის) მონაწილეობით ნამუშევარში. 

მნიშვნელოვანია დაინტერესებული იყვნენ ადამიანებთან და საზოგადოებების სხვადასხვა ჯგუფთან აქტიური ურთიერთობით  მთელი პროცესის განმავლობაში სემინარების, არტისტული საუბრების, პრეზენტაციებისა და საკომუნიკაციო ღონისძიებების დახმარებით. 

პროექტში მონაწილეობისკენ მოვუწოდებთ განსხვავებული და მრავალფეროვანი შესაძლებლობების, წარმომავლობის, იდენტობისა და სტატუსის მქონე მოცეკვავრებსა და ქორეოგრაფებს მზადყოფნისთვის, რათა ჩაერთონ მრავალფეროვან ფორმატებში (ტექსტი, ვიდეო, ესკიზები, აუდიო ფაილები და ა.შ.) და საკუთარი კონტენტით  შეიტანონ წვლილი iCoDaCo ღია წვდომის ციფრულ პლატფორმაში. iCoDaCo-ში ძირითადი სამუშაო ენაა ქართული და ინგლისური, აპლიკანტებს მოუწევთ კომფორტულად გამოიყენონ  ქართული და ინგლისური  სამუშაო გარემოში.

 

პირობები და ჰონორარი: 

მოცეკვავეებთან/ქორეოგრაფებთან მუშაობის პერიოდები: ცოდნის გამომუშავებისა და კვლევის 15 კვირა, 6 კვირიანი კოლექტიური შექმნის პროცესი, 2 კვირიანი მინი ფესტივალი, 2-6 კვირა დამატებითი საზოგადოებასთან ურთიერთობის, კომუნიკაციის, კონტენტის შექმნა და ა.შ. სამუშაო კვირები დაიწყება 2024 წლის ნოემბრიდან 2027 წლის ივნისამდე. საქართველოში დაფუძნებული კოლექტივის მოცეკვავეებისა და ქორეოგრაფების ანაზღაურება არის კვირაში 280 ლარი.

პროცესი:

იმისათვის, რომ გახდეთ iCoDaCo 2024-2027 საქართველოში დაფუძნებული კოლექტივის რვა მოცეკვავიდან ერთ-ერთი, გთხოვთ შეავსოთ აპლიკაციის ფორმა  ქართულ ან ინგლისურ ენებზე, სადაც მოგეთხოვებათ შემდეგი:

ბიოგრაფია / CV

აღწერეთ მნიშვნელოვანი მომენტები თქვენს პროფესიულ და სასწავლო გამოცდილებაში.

გთხოვთ, მიუთითოთ მომენტები და/ან გამოცდილება, რომელმაც, თქვენი აზრით, გავლენა მოახდინა თქვენს ამჟამინდელ შემოქმედებით პრაქტიკაზე. 

სამოტივაციო წერილი, რომელიც ხსნის თქვენს ინტერესს iCoDaCo-ს მიმართ. გთხოვთ, მიუთითოთ, რატომ აგზავნით ამ განაცხადს და რატომ ფიქრობთ, რომ სწორი მომენტია თქვენი  შემოქმედებითი პრაქტიკისთვის, შეუერთდეთ კოლექტიური კვლევისა და შექმნის პროცესს 

თანამედროვე ცეკვა. 

რა თვალსაზრისით არის თქვენი პრაქტიკა თანამედროვე? რა თვალსაზრისით არ არის  თანამედროვე? როგორია თქვენი პრაქტიკა ცეკვაში?  

როგორი ურთიერთობა გაქვთ საქართველოსთან? სად იმყოფებით ახლა? სად მუშაობთ ძირითადად? ერთ ადგილზე ხართ დაფუძნებული? ბევრს მოგზაურობთ? გაქვთ ხშირი შეხება სხვა გეოგრაფიულ ადგილებთან ან ქვეყნებთან? 

ახლო და უახლოესი მომავალი. რითი ხართ ამჟამად დაკავებული? რა თემები დომინირებს თქვენს პრაქტიკასა ან ყოველდღიურობაში? რა მიზნები გაქვთ მომდევნო 1-2 წლის განმავლობაში? 

ვადა

განაცხადები უნდა წარადგინოთ 2024 წლის 21 მაისიდან 2024 წლის 14 ივნისამდე (საქართველოს დროით  00:00 საათამდე (შუაღამე) შემდეგ ბმულზე. მონაწილეებს შევარჩევთ 2024 წლის ივნისის ბოლოსათვის. სელექციის  ეტაპი მოიცავს შერჩეული კანდიდატების გასაუბრებას კირკე ექსპერიმენტული ცეკვისა და თეატრის პლატფორმის დირექტორ მაკა კილაძესთან და    და iCoDaCo-ს პროექტის მენეჯერ ნინი შველიძესთან. ჩვენი მიზანია დავასრულოთ  პროცესი  2024 წლის ივლისის დასაწყისისთვის.

 

კითხვების არსებობის შემთხვევაში დაგვიკავშირდით:

circeplatform@gmail.com

დამატებითი ინფორმაციისთვის ეწვიეთ: 

www.icodaco.com

]]> ტულა ლიმნაიოსი – “თანამედროვე ცეკვა და კომპოზიცია” https://circeplatform.com/ka/%e1%83%a2%e1%83%a3%e1%83%9a%e1%83%90-%e1%83%9a%e1%83%98%e1%83%9b%e1%83%9c%e1%83%90%e1%83%98%e1%83%9d%e1%83%a1%e1%83%98%e1%83%a1-%e1%83%9b%e1%83%90%e1%83%a1%e1%83%a2%e1%83%94%e1%83%a0%e1%83%99%e1%83%9a/ Wed, 19 Oct 2022 07:13:54 +0000 https://circeplatform.com/?p=4670

ტულა ლიმნაიოსის მასტერკლასი – “თანამედროვე ცეკვა და კომპოზიცია”

ვორქშოფის შესახებ:
სხეული, როგორც დედამიწის და ცის დამაკავშირებელი, შუამავალი ელემენტი. სხეულის მუშაობა ემყარება Release-ს (გათავისუფლებას) და Alexander-Technik-ას (პედაგოგიური მეთოდი, რომლის მიზანიც ჩვევების შეცნობასა და მათ შეცვლაში მდგომარეობს) და წლების მანძილზე განვითარებულ სხეულის მუშაობის მეთოდიკას, ისევე როგორც მოძრაობის თანამედროვე ენას, ფოკუსირებულია სხეულის მოდუნებასა და კოორდინაციაზე სუნთქვისა და მოძრაობის დინამიკის მონაცვლეობისას.
მოძრაობის იმპულსს ვიღებთ ცენტრიდან – წყაროდან, რომლიდანაც ყველანაირი სახის ენერგია მოედინება. კუნთების მოდუნების შედეგად სხეული იძენს უნარს, ენერგიის დაუხარჯავად გაიმართოს და შინაგანი ენერგია გამოანთავისუფლოს, რის შედეგადაც იქმნება ე.წ. მოძრაობის „ეკონომია“, რომელიც მოცეკვავის თვითგამოხატვას აძლიერებს, მოძრაობების ხარისხის/დინამიკის ფოკუსირებას ახდენს და შინაგან მუსიკალურობას ამძაფრებს.

მზა „რეცეპტები“ ქორეოგრაფიული ინსცენირებისთვის არ არსებობს. მართალია დროთა განმავლობაში იქმნება ინდივიდუალური ხელწერა, თუმცა ყოველი სპექტაკლი ახალი გამოწვევაა. განსხვავებული თემები განსხვავებულ თვალთახედვას მოითხოვს, შესაბამისად: საკუთარი ხილვებისა და იდეების გადმოსაცემად, დრამატურგიულად მნიშველოვანი შინაგანი ძაფის და კომპოზიციის შინაგანი ლოგიკის შესაქმნელად, უნდა მოიძებნოს ადეკვატური კომპოზიციური საშუალებები, რათა სპექტაკლმა ადამიანები განსხვავებულ სამყაროებს აზიაროს და მათ ეს არავერბალურად მიაწოდოს.
მთავარი თანამედროვე ცეკვაა – ცეკვა, როგორც გამოხატულება, როგორც არავერბალური კომუნიკაცია და ჩვენი ეპოქის ასახვა, ეპოქისა, რომელშიც ვცხოვრობთ, ახლა და აქ…

დასასწრებად შეავსეთ ელექტრონული ფორმა – https://forms.gle/xm8X31quZVRYBajX6
ივენთის ლინკი – https://www.facebook.com/events/1069738397010511?ref=newsfeed
თარიღი – 28 სექტემბერი
დრო – 19:00
მისამართი – გოეთეს ინსტიტუტი მიხეილ ზანდუკელის 16

პროექტის მხარდამჭერია გოეთეს ინსტიტუტი, თბილისის მერია, საქართველოს კულტურის სამინისტრო, სასტუმრო რუმს ჰოთელ თბილისი.

]]> ციფრულ ტექნოლოგიურ-ინსტალაციური პერფომანსი “სინქრონსითი” https://circeplatform.com/ka/%e1%83%aa%e1%83%98%e1%83%a4%e1%83%a0%e1%83%a3%e1%83%9a-%e1%83%a2%e1%83%94%e1%83%a5%e1%83%9c%e1%83%9d%e1%83%9a%e1%83%9d%e1%83%92%e1%83%98%e1%83%a3%e1%83%a0-%e1%83%98%e1%83%9c%e1%83%a1%e1%83%a2-2/ Wed, 19 Oct 2022 06:42:51 +0000 https://circeplatform.com/?p=4639

“სინქრონისითი” – ციფრულ-ტექნოლოგიური ინტერაქციული პერფორმანსი
1.10.2022, 20:00
თანამედროვე ხელოვნების ცენტრი, დოდო აბაშიძის 10
პროექტი “სინქრონისითი” არის ინსტალაცია, რომელიც შეიქმნა ქართული ანბანის, არქიტექტურის და მათემატიკური კავშირების ურთიერთქმედებით. ქართული ანბანისა და მისი რიცხვობრივი მნიშვნელობების გარდასახვისას წარმოიშვება ციფრული ალგორითმი, რომელიც ეყრდნობა შემთხვევითობის პრინციპს და მის შემდგომ ქმედებებს.
შედგენილი ალგორითმი აჯამებს ყველა იმ ინფორმაციას, რასაც მაყურებელი ტელეფონის ეკრანზე შევსებული კითხვარით აწვდის, შედეგად კი ეკრანზე გამოდის იმ ადამიანების ’’ სიტყვების ცეკვა “, რომლებიც ალგორითმის საშუალებით, ანუ შემთხვებითობის პრინციპით გადაიკვეთნენ.
ვიდეო ინსტალაცია შედგება ორი ეტაპისგან. პირველი – ‘’თევზის ცეკვა’’ – აუდიო-ვიდეო ინსტალაციაა, რომელიც სიმბოლურად გამოსახავს იმ მოცემულობას, რომელშიც ვიბადებით – გარემო, ლანდჩაფტი, კულტურა, სოციუმი, რელიგია,დრო…. ყველაფერი ის რაც ჩვენს გარშემოა და ჩვენს განვითრების პროცესებს ნებით თუ უნებლიედ განსაზღვრავენ.
ეს არის ის მოცემულობა, რასაც ვერ ვცვლით გარკვეულ დრომდე, ან საერთოდ სიცოცხლის ბოლომდე და თუ არის გზა შევცვალოთ მოცემულობა ?! და რა ხდება მაშინ ? ! აუდიტორიის ინტერაქცია შესაძლებელია მხოლოდ ინსტალაციის პირველი ნაწილის მიმდინარეობისას. ისინი, ვინც გადაწყვეტს მიიღოს მონაწილეობა ინტერაქციულ პერფორმანსში ეძლევათ შანსი სინქრონიზაციის, თუმცა შესაძლებელია არ ჩაერთოთ ინტერაქციაში და დარჩეთ დამკვირვებლის ამპლუაში.
მეორე ნაწილი – აუდიტორიასთან ციფრული ინსტალაციით ინტერაქცია ხდება საინფორმაციო პანელით, სადაც აუდიტორიის წარმომადგენლები წერენ თავიანთ სახელებს, ერთ სასურველ სიტყვას და პირად მეილს. მეორე ეტაპი სრულად ეყრდნობა აუდიტორიის ქმედებებს. მოცემული პროექტისთვის სპეციალურად შექმნილი ალგორითმი იდენტიფიცირებას ახდენს იმ ადამიანების და მათი შეყვანილი სიმბოლოების, რომლებიც ერთმანეთს სპეციალურად შექმნილი ალგორითმით დაემთხვნენ და მხოლოდ ამის შემდეგ, ზუსტად იმ მომენტში, ეკრანზე ქრონოლოგიურად გამოჩნდება დასინქრონებული ‘’სიტყვების ცეკვა’’. აუდიტორია იხილავს მოცემულ სანახაობას, ხოლო აუდიტორიის ის წევრები, რომლებიც ალგორითმის შემთხვევითობით დასინქრონდნენ ერთმანეთთან, ინტერაქციულ- ტექნოლოგიური პერფომანსის შესრულებისთანავე პირად მეილზე მიიღებენ იმ „ ანბანური ცეკვის,’’ ვიდეო ინსტალაციის ჩანაწერს, რომელიც შეიქმნა იმ მომენტში მათი დამთხვევის საშუალებით.
ინტერაქციული პერფორმანსი ყოველ ჩვენებაზე განსხვავებული იქნება, რადგან ის დამოკიდებულია იმ აუდიტორიაზე რომელიც მოახდენს ინტერაქციას, შესაბამისად, ასო-ნიშნების ცეკვა იქნება უნიკალური, განუმეორებელი … ციფრულ ინსტალაცია “სინქრონისითის” მეორე ნაწილი ცოცხალი ელექტრონული მუსიკის ფონზე შესრულდება.
მოცემული ვიდეო ინსტალაცია აერთიანებს სამ ენას: ანბანს, არქიტექტურასა და მათემატიკას. სწორედ მათი გადაკვეთით ხდება შესაძლებელი ექსპერიმენტული სანახაობის ჩვენება. მათემატიკა გამოსახულია ციფრულ ტექნოლოგიებში, არქიტექტურა – წყობასა და სისტემაში, ანბანი კი სამეტყველო ენაში.
ადამიანის თითოეული ქმედება დროთა განმავლობაში უფრო და უფრო მნიშვნელოვანი გახდა, რადგან მოგვეცა ინფორმაციის სწრაფი გაზიარების საშუალება და მარტივი წვდომა პლანეტის ნებისმიერ წერტილში ინტერაქციისთვის. ინსტალაცია გამოსახავს სამი ტრინიტის მნიშვნელობას სამყაროსთვის და ადამიანების ჩართულობას იმ მომენტში, სადაც ხდება მომავლის გადმოტანა აწმყოში და ხაზს უსვამს თუ რა ხდება ახლა, ამ მომენტში. ჩვენ უნდა ვხვდებოდეთ თუ რამხელა უკუკავშირი შეიძლება ჰქონდეს თითოეულ ქცევას ალბათობის პრინციპზე დაყრდნობით. რადგან ადამიანები ვართ მატარებელი სიტყვის, რიცხვის, აზრის, დამთხვევა აუცილებლად მოხდება.
ინტერაქციულ- ტექნოლოგიური პერფომანსი “სინქრონისითი” არის თვალსაჩინო მაგალითი იმისა, რომ ნებისმიერ ქმედებას აუცილებლად მოყვება შედეგი, რაც უბიძგებს ადამიანს მეტი აქტივობისკენ და ნაბიჯების გადადგმისკენ. ინსტალაციის ღირებულებას განაპირობებს ისიც, რომ ის ერთ სივრცეში თავს უყრის ქართული ერისთვის ორი მნიშვნელოვანი და ამასთანავე კონფლიქტური ფემონომენების არსებობას: ერთი მხრივ ქართული ენა და ანბანი, რომელიც ხელშეუხებელი კულტურული მემკვიდრეობის მაგალითია, სიამაყის ობიექტი, რომელიც ხშირად გამხდარა პოლიტიკურად მანიპულაციის მიზეზიც პოსტსაბჭოთა წარსულში. მეორე მხრივ ტექნოლოგიური სიახლეებისა და უცხოს მიმართ შიში, რომელიც ჩვენს ერს ნაწილობრივ ახასიათებს. ამ მხრივ, ინსტალაცია სრულიად სხვა დღის წესრიგს გვთავაზობს, ის ძველის და ახლის ჰარმონიული კოლაბორაციის მაგალითია, სადაც ჯერ კიდევ საუკუნეების წინ ქვაზე დაწერილი დამწერლობა , ამჯერად არა მხოლოდ უახლესი ციფრული ალგორითმით ცოცხლდება, არამედ სივრცეს ტოვებს ინტერაქციისთვის, ექსპერიმენტებისთვის, კომუნიკაციის ახალი გზებისთვის და ემოციებისთვის. ამიტომ “სინქრონსითი”-ს კულტურული მემკვიდრეობის მომავალთან დამაკავშირებელი ხიდის ფუნქციაც შეიძლება ჰქონდეს, რომელიც ციფრულ ხანაში ერის იდენტობის, ღირებულებების და მისწრაფებების შენარჩუნების ყველაზე ეფექტური გზაა.
აღწერილი ინტერაქციულ-ტექნოლოგიური პერფორმანსი სრული პროექტის პირველი ნაწილია.
მაკა კილაძე- პროექტის ავტორი და შემოქმედებითი ხელმძღვანელი/
თემურ ჩიჩუა -პროგრამული ინჟინერი/
ნატალია ბასილაია-კომპოზიტორი, მუსიკოსი
გიო სუმბაძე- ქართული ანბანის ფონტის ავტორი
გიორგი თავშავაძე- ანიმაციის შემქმნელი
დენის სანთურიანი- პროგრამული დეველოპერი
]]> Multimedia Exhibition: Mi Zi Inana https://circeplatform.com/ka/multimedia-exhibition-mi-zi-inana-2/ Wed, 07 Sep 2022 20:02:54 +0000 https://circeplatform.com/?p=4454

21-28 სექტემბერს გორის ისტორიულ-ეთნოგრაფიულ მუზეუმში გოეთეს ინსტიტუტთან პარტნიორობით, შემოქმედებითი  კომპასის ფარგლებში, წარმოგიდგენთ მულტიმედია არტისტისა და კირკე ექსპერიმენტული ცეკვისა და თეატრის პლატფორმის დამფუძნებლის – მაკა კილაძის პროექტს “Mi Zi Inana”. პროექტი მტკვარი-არაქსის კულტურას სხვადასხვა მედიუმის დახმარებით იკვლევს და უძველეს გამოცდილებას თარგმნის თანამედროვე ხელოვნების ენაზე.

ადგილი: გორის ისტორიულ-ეთნოგრაფიული მუზეუმი; კირიონ II-ს ქუჩა 12.

21 სექტემბერი 16:00 საათი – მულტიმედია ინსტალაცია Mi Zi Inana, გამოფენის გახსნა

ინსტალაცია მი ზი ინანა (თარგმანი შუმერულიდან ქართულად ნიშნავს: „ჩვენ შორის ღმერთმა გაიარა“) მულტიმედიური ნამუშევარია და დაკავშირებულია მითთან, რომელიც მტკვარი-არაქსის კულტურის გარშემო არსებობს. გამოფენის ფოკუსში ქალღმერთი ნანა ექცევა, რომელიც ნაყოფიერების ქალღმერთია და საკუთარ თავში მიწიერსა და მისტიკურს აერთიანებს. დღევანდელი ეკოლოგიური მდგომარეობის ფონზე გამოფენა გვაბრუნებს ეკოლოგიური გარემოს გაუმჯობესების საჭიროებასთან.

21 სექტემბერი 17:00 – 17:30 საათი – ექსპერიმენტული ცეკვის ფილმის ჩვენება: One Drop of Blue

ფილმი მომზადებულია კირკე – თანამედროვე ცეკვისა და თეატრის ექსპერიმენატული პლატფორმის მიერ,  Saqanima-სა და Metallique-თან პარტნიორებით. “ერთი  წვეთი ცისფერი” მტვკვარი-არაქსის უძველესი კულტურის ინპირაციითაა გადაღებული უფლისციხეში. ეს მზის ქალაქი იყო – უფლის ქალაქი, სადაც ყველა ქურუმი და ქურუმთ-მსახური ცხოვრობდა.

22 სექტემბერი 13:00 – 14:00 საათი – ზვიად შერაზადიშვილის საჯარო ლექცია “მტკვარ-არაქსის კულტურის პერიოდის სავაჭრო და კულტურული ურთიერთობები სამხრეთ კავკასიასა და მახლობელ აღმოსავლეთს შორის”

ზვიად შერაზადიშვილი გორის ისტორიულ-ეთნოგრაფიული მუზეუმის არქეოლოგიის ფონდის კურატორია. მისი ლექცია აუდიტორიას გააცნობს მტკვარი-არაქსის კულტურის პერიოდის სავაჭრო და კულტურული ურთიერთობებს შეეხება სამხრეთ კავკასიასა და მახლობელ აღმოსავლეთს შორის.

22 სექტემბერი 14:00 – 16:00 საათი – მაგიური კუბის ვორქშოპი და მოკლემეტრაჟიანი ფილმის, “ერთი წვეთი ცისფერის” ანიმაციური ვერსის ჩვენება.

ვორქშოპის ფარგლებში მაკა კილაძის მენტორობით მონაწილეები დაამზადებენ მაგიურ, მოძრავ კუბებს, რომელიც  ორიგამის ტექნიკას ეფუძნება. კუბები 72 სხვადასხვა ფორმას იღებს, მათ შორის ცხოველებისა თუ ფრინველების ფორმებს და სამყაროს მუდმივ ცვალებადობას განასახიერებს. ვორქშოპი ხელს უწყობს მონაწილეებს გაიძლიერონ  სენსორულ-მოტორული უნარები, ფანტაზიის უნარი, იმუშაონ ობიექტებზე და წარმოიდგინონ ობიექტები როგორც დამოუკიდებლად, ასევე როგორც რეკვიზიტი მოძრაობაში ადამიანების დახმარებით. ვორქშოპის ფარგლებში მოეწყობა ექსპერიმენტული ცეკვის ფილმის, “ერთი წვეთი ცისფერის” ანიმაციური ვერსიის ჩვენება. ფილმში  გამოყენებულია მაგიური კუბები. 

ვორქშოპის სარეგისტრაციო ფორმა: https://forms.gle/Cmi1AM5rA7jLjiBC9

პროექტის მხარდაჭერისთვის მადლობას ვუხდით გორის ისტორიულ-ეთნოგრაფიული მუზეუმის დირექტორს, ქალბატონ თამილა კოშორიძესა და მის გუნდს!

 

]]>